ৰাহুল গান্ধী ব্ৰিটিছ নাগৰিক! নিৰ্বাচন আয়োগক অভিযোগ, মনোনয়ন বাতিলৰ দাবী
কংগ্ৰেছ নেতা ৰাহুল গান্ধীৰ নাগৰিকত্ব সন্দৰ্ভত এক বাতৰিয়ে দেশজুৰি চৰ্চা লাভ কৰিছে!নাগৰিকত্ব সন্দৰ্ভত অভিযোগকাৰীয়ে ৰাহুলৰ মনোনয়ন শীঘ্ৰে বাতিল কৰিবলৈ দাবী জনায়।অনিৰুদ্ধ প্ৰতাপ সিং নামৰ এজন ব্যক্তিয়ে ‘ৰাহুল ভাৰতৰ নাগৰিক নহয়, তেওঁ ব্ৰিটিছ নাগৰিক’ বুলি দাবী কৰি আয়োগৰ ওচৰত অভিযোগ দাখিল কৰিছে।
অভিযোগকাৰীৰ অধিবক্তা অশোক পাণ্ডেই সংবাদ সংস্থা এএনআইৰ আগত দাবী কৰি কয় যে, “২০০৬ চনত ৰাহুল গান্ধীয়ে নিজেই এবাৰ কৈছিল যে তেওঁ এজন ব্ৰিটিছ নাগৰিক। তেন্তে কি ভিত্তিত আয়োগে তেওঁৰ মনোনয়ন গ্ৰহণ কৰিলে? মনোনয়নপত্ৰ শীঘ্ৰে বাতিল কৰিবলৈ দাবী জনাইছো।”
এই অভিযোগ খাৰিজ কৰি কংগ্ৰেছ নেতা অজয় পাল সিঙে সংবাদ সংস্থাটোক কয় যে ৰাহুলৰ নাগৰিকত্ব আগতে বৈধ আছিল আৰু এতিয়াও বৈধ।এই সন্দৰ্ভত আয়োগৰ কোনো সঁহাৰি এতিয়াও জানিব পৰা হোৱা নাই। অৱশ্যে এই অভিযোগক কেন্দ্ৰ কৰি ৰাজনৈতিক মহলত হুলস্থুলৰ সৃষ্টি হৈছে।
প্ৰসংগক্ৰমে কংগ্ৰেছে এই নিৰ্বাচনত ৱায়ানাডৰ পৰা ৰাহুলক মনোনীত কৰিছিল। ২৬ এপ্ৰিলত ৱায়নাডত দ্বিতীয় ৰাউণ্ডৰ ভোটগ্ৰহণো নিষ্পত্তি কৰা হয়। এইবাৰ ৰাহুলে ৰায়েবাৰেলিৰ পৰাও যুঁজিব। লগতে শনিবাৰে দলৰ ঘোষণাৰ পাছতে ৰায়বেৰেলীৰ বাবে মনোনয়ন দাখিল কৰে।