ৰাজ্যৰ ক্ৰমবৰ্ধমান মূল্যবৃদ্ধিৰ বিৰুদ্ধে ৰাইজৰ দলৰ ভাতৃ সংগঠন জাতীয় যুৱ বাহিনীয়ে আজি ৩ জুলাই ২০২৩ তাৰিখে গুৱাহাটী মহানগৰীৰ গণেশগুৰিত প্ৰতিবাদ সাব্যস্ত কৰে।
প্ৰায় অৰ্ধ শতাধিক প্ৰতিবাদকাৰীয়ে প্ৰতিবাদী কাৰ্যসূচী আৰম্ভ কৰাৰ পূৰ্বৰে পৰা প্ৰতিবাদস্থলীত সষ্টম হৈ থাকে শতাধিক আৰক্ষী। অত্যাৱশ্যকীয় সামগ্ৰীৰ ক্ৰমবৰ্ধমান মূল্যবৃদ্ধিয়ে ৰাজ্যবাসীৰ মূৰত ৰাম টাঙোন শোধোৱাৰ অভিযোগ তুলি অতি শীঘ্ৰে মূল্যবৃদ্ধি ৰোধ কৰাৰ দাবী তুলি মুখ্যমন্ত্ৰীলৈ স্মাৰকপত্ৰ প্ৰেৰণ কৰে সংগঠনটোৱে।
উল্লেখযোগ্য যে প্ৰতিবাদ আৰম্ভ কৰাৰ লগে লগেই প্ৰতিবাদকাৰী সকলক আটক কৰি চচললৈ লৈ আহে সষ্টম আৰক্ষী বাহিনীয়ে।
বিজেপিক ভোট দি এতিয়া কপাল চপৰিয়াই মৰো” , “সমানে সমানে কৰিবা কাজ , তিনি গগৈৰ লগত হাৰি নকৰিবা লাজ” ,”যি ৰাজ্যত নুগুছে কন্দল, সেই ৰাজ্যত নুফুলে কমল” , “তুলসীৰ তলে তলে মৃগ পহু চৰে ,বিজেপি চৰকাৰে ৰাইজৰ তেজ শুহি খালে” , “আমদালি গাঁঠিছে মূল্যবৃদ্ধি কৰিছে , মামাৰ চৰকাৰে জনতাৰ ওপৰত ৰাম টাঙোন শোধাইছে” , “ঢাপলিকা চৰায়ে ঢাপে ঢাপে বগালে , বিজেপি চৰকাৰে জনতাক ৰাম টাঙোন শোধালে” , “বহুত হ’ল ৰাইজৰ ওপৰত মূল্যবৃদ্ধিৰ মাধমাৰ এতিয়াও কিয় শুই আছা মোডী-মামাৰ চৰকাৰ???” আদি শ্ল’গানেৰে গণেশগুৰিৰ লগতে চচলৰ প্ৰতিবাদস্থলীও উত্তাল কৰি তোলে প্ৰতিবাদকাৰী সকলে।
উপ আৰক্ষী আয়ুক্ত হিমাংশু দাসে জাতীয় যুৱ বাহিনীৰ সভাপতিৰ পৰা স্মাৰকপত্ৰ গ্ৰহণ কৰে।
