বহুতো ছোৱালীৰ বাবে নিজৰ পিতৃ আটাইতকৈ ভাল বন্ধু হোৱাৰ উদাহৰণ আছে। তাতে সেয়া যদি চেলিব্ৰেটি হয় তেওঁলোকৰ সেই সম্পৰ্ক আৰু অধিক ঘনিষ্ঠ হোৱাৰ সম্ভাৱনা থাকে।
পিতৃ-কন্যা ৰাজেশ খান্না আৰু টুইংকল খান্নাৰ একেদিনাই জন্মদিন।
দেওবাৰে ফাদাৰ্ছ ডে’ত চুপাৰষ্টাৰ পিতৃক সোঁৱৰণ কৰে অভিনেত্ৰী টুইংকল খান্নাই।
ইনষ্টাগ্ৰামত পুৰণি ব্লেক এণ্ড হোৱাইট ছবি শ্বেয়াৰ কৰি টুইংকলে লিখিছে,’’ ফাদাৰ্ছ ডে’ দেওবাৰ যদিও মোৰ মনত সদায়ে ডিচেম্বৰ। তেওঁ মাক কৈছিল যে মোৰ পৃথিৱীলৈ অহাটোৱে পিতৃৰ বাবে আছিল জীৱনৰ শ্ৰেষ্ঠ উপহাৰ।‘’
টুইংকলে লগতে লিখিছে যে পিতৃয়ে তেওঁক সদায় টিনা মা’ নহয়, টিনা বাবাহে বুলি মাতিছিল। ‘’মই বুজিব পৰা নাছিলো যে মোৰ ডাঙৰ হৈ অহাটো আন পাঁচগৰাকী ছোৱালীৰ দৰে নাছিল’’।
ইনষ্টাগ্ৰামৰ প’ষ্টত টুইংকলে লগতে লিথিছে,’’মই যেতিয়া ডেটিং আৰম্ভ কৰো তেতিয়া পাপাৰ পৰা পৰামৰ্শ লওঁ। পাপাই একেলগে চাৰিজন বয়ফ্ৰেণ্ড ৰখাৰ কথা কৈছিল। তেতিয়া কোনোদিনে মন নাভাঙে।‘’
ইয়াৰ পাছতে টুইকংলে লিখিছে,‘’যদিও মই কোনোদিনে কোৱা নাই যে মোৰ মন ভাহিব পৰা এজন ব্যক্তিয়েই আছে আৰু সেইজন হৈছে পাপা নিজেই।‘’
উল্লেখ্য যে ২০০১ চনত বলীউদৰ জনপ্ৰিয় অভিনেতা অক্ষয় কুমাৰৰ সৈতে টুইংকল বিয়া হয়। তেওঁলোকৰ দুগৰাকী সন্তানো আছে।
