কৰ্ণাটকৰ বেলগাম জিলাৰ ৰাম মন্দিৰৰ এজন সন্ন্যাসীয়ে ১৭ বছৰীয়া নাবালিকা কিশোৰীক অপহৰণ কৰি ধৰ্ষণ কৰাৰ অভিযোগ উত্থাপন হৈছে। আৰক্ষীয়ে অভিযুক্ত সন্ন্যাসীজনৰ বিৰুদ্ধে POCSO আইনৰ অধীনত গোচৰ ৰুজু কৰিছে। ইতিমধ্যে ভণ্ড সন্ন্যাসীজনক গ্ৰেপ্তাৰ কৰা হৈছে।
আৰক্ষীয়ে জনোৱা মতে অভিযুক্ত সন্ন্যাসীজনৰ নাম লোকেশ্বৰ মহাৰাজ। কৰ্ণাটকৰ ৰাজধানী বাংগালুৰুৰ পৰা ৫০০ কিলোমিটাৰ দূৰত্বত অৱস্থিত বেলগামৰ ৰাইবাঘ তালুকৰ মেখালী গাঁৱৰ ৰাম মন্দিৰৰ সন্ন্যাসী তেওঁ। অভিযুক্ত সন্ন্যাসীয়ে এগৰাকী ১৭ বছৰীয়া কিশোৰীক প্ৰলোভিত কৰি বগালকোট চহৰৰ এখন লজলৈ লৈ যায়। তাতেই সন্ন্যাসীয়ে ধৰ্ষণ কৰা বুলি অভিযোগ উত্থাপন হৈছে।
ধৰ্ষণ কৰাৰ পিছত সন্ন্যাসীয়ে কিশোৰীগৰাকীক বাগালকোট জিলাৰ মহালিংগাপুৰ বাছ ষ্টেণ্ডত এৰি থৈ যায় বুলি আৰক্ষীয়ে জানিবলৈ দিয়ে।
বেলাগাভি জিলা আৰক্ষী অধীক্ষক ডাঃ ভীমশংকৰ এছ গুলেদে কয় যে, “অভিযুক্তই ভুক্তভোগীক ঘৰত থৈ অহাৰ চলেৰে গাড়ীত উঠাই লৈ যায় তাৰপিছত বগালকোটলৈ নি ধৰ্ষণ কৰে।
