কলিয়াবৰৰ উলুৱনী থানা এলেকাৰ গড়গুৰি এলেকাত প্ৰায় দুমাহৰ পূৰ্বেই এগৰাকী তিনিসন্তানৰ মাতৃক বলাৎকাৰৰ অপচেষ্টা চলোৱা লম্পট ৰাজেন বৰুৱাক আৰক্ষীয়ে আজি আটক কৰিবলৈ সক্ষম হয়।
এক গোপন সূত্ৰৰ পম খেদি কলিয়াবৰ মহকুমা আৰক্ষী বিষয়া মৃন্মই দাসৰ নেতৃত্বত কলিয়াবৰ আৰক্ষীৰ নেতৃত্বত কলিয়াবৰ আৰক্ষীৰ ভাৰপ্ৰাপ্ত বিষয়া দিনবন্ধু ভূঞা আৰু চুলুং আৰক্ষী বিষয়াৰ সহযোগত যোৱা এটা আৰক্ষীৰ দলে লম্পট ৰাজেন বৰুৱাক নিজ গৃহৰ পৰা আটক কৰিবলৈ সক্ষম হয়।
উল্লেখযোগ্য যে যোৱা বছৰৰ ২৬ নৱেম্বৰত পুৱা প্ৰায় ৯ বজাত মহিলা গৰাকীক ঘৰত কোনো নথকাৰ সুযোগ গ্ৰহণ কৰি একে গাঁৱৰে লম্পট ৰাজেন বৰৱাই বলাৎকাৰৰ চেষ্টা চলাইছিল। অৱশ্যে বলাৎকাৰৰ অপচেষ্টাত বিফল হৈ মহিলাগৰাকীক ডিঙি চেপি হত্যা কৰাৰ চেষ্টা কৰাৰ লগতে এচিড জাতীয় দ্ৰব্যও নিক্ষেপ কৰিছিল।
ইফালে নিৰ্যাতিত মহিলা গৰাকীয়ে চিঞৰ-বাখৰ কৰাত স্থানীয় ৰাইজ মহিলাগৰাকীৰ ঘৰত উপস্থিত হয় যদিও লম্পট ৰাজেন বৰুৱা তাৰ পৰা পলায় সাৰিবল সক্ষম হয়।
পিছত স্থানীয় ৰাইজে গুৰুতৰভাৱে আহত মহিলাগৰাকীক চিকিৎসালয়ত ভৰ্তি কৰাই আৰু চিকিৎসকে এচিড নিক্ষেপ কৰাৰ বাবে মহিলাগৰাকীৰ বাওঁফালৰ চকুতো সম্পূৰ্ণ বিকল হৈ পৰে বুলি জনায়।
ইফালে ঘটনা সংঘটিত কৰিয়ে লম্পট ৰাজেন বৰুৱা পলাতক অৱস্থাত আছিল আৰু গুৱাহাটী উচ্চ ন্যায়ালয়ত অগ্ৰীম জামিনৰ বাবে আবদে কৰিছিল। অৱশ্যে কলিয়াবৰ আৰক্ষীৰ তদন্তৰ প্ৰতিবদেদনৰ ভিত্তিত গুৱাহাটী উচ্চ ন্যায়ালয়ে ৰাজেন বৰুৱাৰ জামিন মঞ্জুৰ নকৰিলে।
অৱশেষত আজি আৰক্ষীয়ে লম্পট ৰাজেন বৰুৱাক বাসগৃহৰ পৰাই আটক কৰি বলাৎকাৰ, হত্যাৰ চেষ্টা চলোৱাকে ধৰি কেবাটাও গোচৰ ৰুজু কৰি কলিয়াবৰ ন্যায়িক আদালতত হাজিৰ কৰোৱাই আৰু আদালতে বিচাৰৰ অন্তত লম্পট ৰাজেন বৰুৱাক জে’ল হাজোতলৈ প্ৰেৰণ কৰে।
