ৰুশ্বদী সুস্থ হৈ উঠা বুলি জানি মুখলৈ পানী আহিল লেখকগৰাকীৰ প্ৰাক্তন পত্নী ভাৰতীয় মডেল পদ্ম লক্ষ্মীৰ
বিনিদ্ৰ ৰজনী কটাইছিল তেওঁ। যদিও ১৫ বছৰে ৰুশ্বদীৰ সৈতে সম্পৰ্ক নাই তথাপি ৰুশ্বদীক আক্ৰমণ কৰাৰ ঘটনাৰ বিষয়ে জনাৰ পিছতে অস্থিৰ হৈ পৰিছিল তেওঁ। তেওঁ কোন?
তেওঁ হৈছে লেখিকা, ভাৰতীয় মডেল তথা অভিনেত্ৰী পদ্ম লক্ষ্মী। দৰাচলতে পদ্ম লক্ষ্মী হৈছে ছলমান ৰুশ্বদীৰ প্ৰাক্তন তথা চতুৰ্থ পত্নী।
Relieved @SalmanRushdie is pulling through after Friday’s nightmare. Worried and wordless, can finally exhale. Now hoping for swift healing.
— Padma Lakshmi (@PadmaLakshmi) August 14, 2022
তেওঁলোকৰ বিবাহ বিচ্ছেদ হোৱা ১৫ বছৰেই হ’ল। বিবাহ বিচ্ছেদৰ পিছতো ৰুশ্বদীৰ প্ৰতি পদ্ম লক্ষ্মীৰ নাই কোনো বিদ্বেষৰ ভাব। সেয়ে ৰুশ্বদীক আক্ৰমণ কৰাৰ খবৰ পোৱাৰ পিছতে বিচলিত হৈ পৰিছিল পদ্ম লক্ষ্মী।
ছলমান ৰুশ্বদীয়ে ২০০৪ চনত মডেল পদ্ম লক্ষ্মীক বিয়া কৰাইছিল আৰু ২০০৭ চনত দুয়োৰে মাজত বিবাহ বিচ্ছেদ হৈছিল। ৰুশ্বদীৰ সৈতে মডেল আৰু অভিনেত্ৰী পদ্মাৰ বয়সৰ পাৰ্থক্য আছিল বৃহৎ, ২৪ বছৰৰ।
ৰুশ্বদীৰ জন্ম মুম্বাইত হৈছিল আৰু তেওঁৰ প্ৰাক্তন পত্নী পদ্মাৰ জন্ম চেন্নাইত হৈছিল। ৫১ বছৰীয়া পদ্ম লক্ষ্মী টিভি অনুষ্ঠান টপচেফৰ সঞ্চালক। তেওঁ বিদেশৰ টেলিভিছনৰ জগতত বেছ সুনাম আৰ্জিছে।