এক আজৱ ঘটনাত এগৰাকী ৰেষ্টুৰেন্ট মালিকৰ উদ্ধতালিৰ কথা পোহৰলৈ আহিছে।
যোধপুৰৰ ৰেষ্টুৰেন্ট মালিক এগৰাকীয়ে ৰেষ্টুৰেন্টত কাম কৰা কৰ্মচাৰীয়ে দৰমহা বিচৰাত তেওঁক পোহনীয়া কুকুৰ লগাই কামুৰিব দিয়ে।
কুকুৰৰ কামেৰত কৰ্মচাৰীজন আহত হয়।
ৰেষ্টুৰেন্টখনৰ মালিকৰ বিৰুদ্ধে আহত যুৱকজনে চহৰখনৰ মহামন্দিৰ আৰক্ষী থানাত গোচৰ দাখিল কৰে।
বাতৰি অনুসৰি, কৰ্মচাৰী যুৱকজনে মালিকৰ পৰা যোৱা মাহৰ দৰমহা বিচৰাত মালিকে পোহনীয়া কুকুৰ লগাই তেওঁক কামুৰিব দিয়ে।
কুকুৰে কামোৰাৰ ফলত আহত কৰ্মচাৰীজনে ৰেষ্টুৰেন্টৰ মালিকৰ বিৰুদ্ধে কুকুৰ লগাই কামুৰিব দিয়াৰ অভিযোগ তুলি আৰক্ষীৰ ওচৰত গোচৰ দাখিল কৰে।
কৰ্মচাৰীজনে তেওঁৰ প্ৰাপ্য দৰমহা আদায় দিয়াৰ লগতে ৰেষ্টুৰেন্টৰ মালিকৰ বিৰুদ্ধে ব্যৱস্থা গ্ৰহণৰ দাবী কৰে।
মহামন্দিৰ আৰক্ষী থানাৰ ভাৰপ্ৰাপ্ত বিষয়াগৰাকীয়ে জানিবলৈ দিয়া মতে আহত কল্যান সিং নামৰ যুৱকজনে থানাত গোচৰ দাখিল কৰিছে।
আৰক্ষীয়ে যুৱকজনৰ আবেদনৰ ভিত্তিত গোচৰ ৰুজু কৰি ঘটনাটোৰ তদন্ত আৰম্ভ কৰিছে।
