ভিলেজ ৰকষ্টাৰ্ছ ছবিৰে আন্তঃৰাষ্ট্ৰীয় পৰ্যায়ত বিশেষ খ্যাতি লাভ কৰিবলৈ সক্ষম হোৱা পৰিচালিকা ৰীমা দাসে জি কিউ’ৰ ‘২০১৮ চনৰ ৫০ গৰাকী অতি প্ৰভাৱশালী যুৱ ভাৰতীয়’ৰ তালিকাত স্থান লাভ কৰিছে।
জি কিউ ইণ্ডিয়াই প্ৰত্যেক বছৰে সমাজত প্ৰভাৱ পেলাই অহা ৪০ বছৰৰ তলৰ ৫০ গৰাকী সুদক্ষ ভাৰতীয় ব্যক্তিৰ এক তালিকা প্ৰকাশ কৰি আহিছে।
উল্লেখযোগ্য যে ৰীমা দাসৰ ভিলেজ ৰকষ্টাৰ্ছ ছবিখন ভাৰতৰ পৰা এইবছৰৰ অস্কাৰ বঁটাৰ বাবে নিৰ্বাচিত হৈছে। ছবিখনৰ নিৰ্মাণৰ প্রসংগত ৰীমা দাসে এবাৰ কৈছিল যে নদী, পথাৰৰ লগত থকা সম্পৰ্কই তেওঁক ইয়াৰ বাবে অনুপ্ৰেৰণা যোগাইছিল।
অস্কাৰৰ বাবে নিৰ্বাচিত হোৱাৰ উপৰি ৪টাকৈ ৰাষ্টীয় চলচ্চিত্ৰ বঁটা তথা বিশ্বৰ বিভিন্ন চলচ্চিত্ৰ মহোৎসৱত ছবিখনে ৪৪টা বঁটা লাভ কৰিবলৈ সক্ষম হৈছে।
এতিয়ালৈকে ৩খন চলচ্চিত্ৰ নিৰ্মাণ কৰা দাসৰ শেহতীয়া চিনেমা ‘বুলবুল কেন ছিং’এ মুম্বাইৰ মামি ফিল্ম ফেষ্টিভেলত গ’ল্ডেণ গে’টৱে বঁটাৰে সন্মানিত হৈছিল।
