গুৱাহাটী মহানগৰীৰ মাজমজিয়াৰ পল্টনবজাৰৰ বিশাল পইণ্টত বৃহস্পতিবাৰে দুপৰীয়া সংঘটিত হোৱা এক ভয়ংকৰ পথ দুৰ্ঘটনাত বিমল বড়ো নামৰ এগৰাকী লোকৰ থিতাতে মৃত্যু হয়।
মৃত্যু হোৱা বিমল বড়োৰ ঘৰ বিৰুবাৰীত বুলি জানিব পৰা গৈছে।
স্থানীয় ৰাইজে জনোৱা মতে দুপৰীয়াৰ ভাগত স্কুটীৰে আহি থকা বিমল বড়োক এখন তীব্ৰবেগী পানীৰ টেংকাৰে খুন্দা মৰাৰ ফলত দুৰ্ঘটনাটো সংঘটিত হয়।
আনহাতে, মহানগৰ আৰক্ষীয়ে টেংকাৰখনৰ চালক জনক আটক কৰাৰ লগতে দুৰ্ঘটনাগ্ৰস্ত বাহন দুখন জব্দ কৰে।
দুৰ্ঘটনাটোৰ ফলত পল্টন বজাৰ বিশাল পইণ্টত কিছু সময়ৰ বাবে তীব্ৰ যান-জটৰ সৃষ্টি হয় যদিও পৰৱৰ্তী সময়ত যান-বাহন আৰক্ষীয়ে পৰিস্থিতি নিয়ন্ত্ৰণ কৰি যান-বাহনৰ চলাচল স্বাভাবিক কৰি তোলে।
