ভুৱা বুকিং চক্ৰৰ সৈতে জড়িত থকাৰ অভিযোগত ৰে’লৱে সুৰক্ষা বাহিনীয়ে গ্ৰেপ্তাৰ কৰিছে নামৰূপৰ শৰ্মা তিনিআলিৰ ললিত আগৰৱালা নামৰ ব্যক্তিক গ্ৰেপ্তাৰ কৰে। এই লোকজনে গ্ৰবেল ট্যুৰ এণ্ড ট্ৰেভেলছ নামৰ এজেঞ্চি এটা চলাই আছিল। এই এজেঞ্চিটোৰ জৰিয়তে লোকজনে ৱাৰেণ্ট ব্যৱহাৰ কৰি ৰে’লৱে টিকটৰ ভুৱা টিকট বিক্ৰি কৰি আছিল।
নামৰূপ আৰক্ষী আৰু আৰু ৰে’লৱে সুৰক্ষা বাহিনীয়ে যুটীয়াভাৱে অভিযান চলাই লোকজনে গ্ৰবেল ট্যুৰ এণ্ড ট্ৰেভেলছ নামৰ এজেঞ্চিটোৰ সন্দৰ্ভত অনুসন্ধান চলাই ললিত আগৰৱালাৰ নামত থকা ১০খন পৰিচয়পত্ৰ উদ্ধাৰ কৰে।
আৰক্ষী সূত্ৰত প্ৰকাশ যে এক নিৰ্ভৰযোগ্য তথ্যৰ ভিত্তিত ললিত আগৰৱালাক নিৰীক্ষণৰ মাজত ৰাখিছিল।
সঠিক সাক্ষ্য সংগ্ৰহ কৰাৰ পাছত অভিযুক্তজনক গ্ৰেপ্তাৰ কৰা হয়। অনুসন্ধানৰ সময়ত ৰে’লৱে সুৰক্ষা বাহিনীৰ পৰিদৰ্শক প্ৰেমানন্দ বিশ্বকৰ্মাই কৈছে যে লোকজনে সমগ্ৰ ভাৰততে গ্ৰবেল ট্যুৰ এণ্ড ট্ৰেভেলছে বহু বছৰ ধৰি অবৈধ এই টিকট ব্যৱসায়ৰ চক্ৰটো চলাই আহিছিল।
সূত্ৰটোৱে আৰু কৈছে যে ললিত আগৰৱালাৰ নামত পঞ্জীয়নকৃত পৰিচয়পত্ৰখন ২০১০ চনত বাতিল হৈছিল যদিও অবৈধভাৱে তেওঁ টিকটৰ ব্যৱসায় চলাই গৈছিল।
অনুসন্ধানৰ সময়ত ললিত আগৰৱালাৰ এজেঞ্চিৰ পৰা এটা লেপটপ, কেইটামান মোবাইল ছেট আৰু কিছু পৰিমাণৰ টকা জব্দ কৰা হয়। ৰে’লৱে আৰক্ষী সুৰক্ষা বাহিনীয়ে গ্ৰবেল ট্যুৰ এণ্ড ট্ৰেভেলছৰ মালিক ললিত আগৰৱালাক গ্ৰেপ্তাৰ কৰি ৰে’লৱে প্ৰধান কাৰ্যালয়লা প্ৰেৰণ কৰে।
