ভাৰতৰ স্বাধীনতা সংগ্ৰামত ভাগ লোৱা উত্তৰ-পূৰ্বাঞ্চলৰ মুক্তি যুঁজাৰুসকলৰ স্মৃতিত ৰাষ্ট্ৰীয় স্বয়মসেৱক সংঘই অহা ১২ আগষ্টত নতুন দিল্লীত এক বক্তৃতানুষ্ঠান আয়োজন কৰিছে।
“উত্তৰ-পূবৰ মুক্তি যুঁজাৰুসকললৈ শ্ৰদ্ধাঞ্জলি” শীৰ্ষক বক্তৃতানুষ্ঠানটোত “নেতাজী” সুভাষ চন্দ্ৰ বসুৰ ভতিজা নাতি, বিজেপি নেতা চন্দ্ৰ কুমাৰ বসুৱে মুখ্য অতিথি হিচাপে ভাগ ল’ব।
নেচনেল বুক ত্ৰাষ্টৰ প্ৰাক্তন সঞ্চালিকা, অসমীয়া সাহিত্যিক ৰীতা চৌধুৰীও অনুষ্ঠানটোত ভাগ ল’ব বুলি উদ্যোক্তাই জনাইছে।
অনুষ্ঠানটোত সন্মানীয় অতিথিৰূপে উপস্থিত থাকিব চি বি আই যুটীয়া সঞ্চালক এন এম সিং আৰু অধ্যাপক কপিল কুমাৰে।
অধ্যাপক কুমাৰ ইগনু (IGNOU)ৰ স্বাধীনতা সংগ্ৰাম আৰু প্ৰব্ৰজন অধ্যয়ন কেন্দ্ৰ (Centre for Freedom Struggle and Diaspora Studies)ৰ সঞ্চালক।
আয়োজক সংঘই জনোৱা মতে, বৃটিশ্বৰ পৰা দেশক মুক্ত কৰাত বৃহৎ ভূমিকা পালন কৰা কিন্তু অখ্যাত হৈ ৰোৱা উত্তৰ-পূবৰ মুক্তি যুঁজাৰুসকললৈ শ্ৰদ্ধাঞ্জলি জনোৱাৰ বাবে অনুষ্ঠানটো আয়োজন কৰা হৈছে।
অনুষ্ঠানটোত উত্তৰ-পূবৰ মুক্তি যুঁজাৰুসকলৰ জীৱন আৰু তেওঁলোকে পাৰ কৰা কাঠিন্য সম্পৰ্কে বিতংকৈ তুলি ধৰা হ’ব।
নতুন দিল্লীৰ আই এছ আই এল (Indian Society of International Law) প্ৰেক্ষাগৃ্হত আবেলি ৪ বজাৰ পৰা অনুষ্ঠানটো আৰম্ভ হ’ব।
আগ্ৰহী লোকসকলক আৰ এছ এছৰ পূৰ্বোত্তৰ আয়াম, দিল্লী প্ৰান্তৰ সৈতে 981818288, 8375837745, 9818360660, 9540999858 আৰু 9968265142 ফ’ন নম্বৰত যোগাযোগ কৰিবলৈ সংঘই গোহাৰি জনাইছে।
