বানাক্ৰান্ত দূৰ্গত বন্যপ্ৰাণীৰ চিকিৎসাৰ বাবে কাজিৰঙাৰ বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰলৈ নগদ ১ লাখ টকা আগবঢ়াইছে গোলাঘাটৰ ৰুমী দত্তই৷
গোলাঘাটৰ গোলামপট্টিৰ নিৱাসী এই গৰাকী মহিলাই বানপানীত আহত হোৱা বিভিন্ন বন্যপ্ৰাণীৰ চিকিৎসাৰ বাবে নিজৰ সাঁচতীয়া ১ লাখ টকা ২২ জুলাইত আনুষ্ঠানিকভাৱে কেন্দ্ৰৰ পশু চিকিৎসক ডাঃ চামচুল আলীৰ হাতত অৰ্পণ কৰে৷
এই ধন ৰাশি কেন্দ্ৰৰ পশু চিকিৎসকৰ হাতত অৰ্পন কৰাৰ সময়ত কাজিৰঙা ৰাষ্ট্ৰীয় উদ্যানৰ উপ বন সংৰক্ষক ডেকাৰজাও উপস্থিত থাকে৷
বন্যপ্ৰাণীৰ প্ৰতি থকা অহেতুক প্ৰেমৰ বাবেই ৰুমী দত্তই এই ধনৰাশি বন্যপ্ৰাণী চিকিৎসাৰ বাবে আগবঢ়াইছে বুলি জনায়৷
প্ৰাক্তন জিলা ক্ৰীড়া বিষয়া প্ৰয়াত নেত্ৰধৰ দত্ত আত্মাৰ সদগতিৰ বাবেই বন্যপ্ৰাণীৰ বাবে এই ধন ৰাশি আগবঢ়াইছে বুলি জনাই ৰুমী দত্তই৷
তেওঁ বানপানীৰ সময়ত আশ্ৰয় বিচাৰি অহা দূৰ্গত বন্যপ্ৰাণীক হত্যা নকৰি আশ্ৰয় প্ৰদান কৰিবলৈ আহ্বান জনায়৷
বন্যপ্ৰাণীৰ উপৰি লকডাউনৰ সময়ত দৰিদ্ৰ লোকৰ সহায়ক হোৱাৰ বাবেও ২ লাখ টকা আগবঢ়াইছিল ৰুমী দত্তই৷
ৰুমী দত্তৰ এই এই মহানতাক ধন্যবাদ জনাই কেন্দ্ৰ জ্যেষ্ঠ পশু চিকিৎসক ডাঃ চামচুল আলীয়ে দত্তৰ দৰে মহিলাৰ বাবেই বন্যপ্ৰাণী সংৰক্ষণত আগবাঢ়িব পাৰিছো বুলি মন্তব্য কৰে।
