ন বিজেপি! বিধায়ক পদ আৰু কংগ্ৰেছৰ প্ৰাথমিক সদস্য পদৰ পৰা পদত্যাগ ৰূপজ্যোতি কুৰ্মীৰ
অৱশেষত আনুষ্ঠানিকভাৱে বিধায়ক পদ আৰু কংগ্ৰেছৰ প্ৰাথমিক সদস্য পদৰ পৰা পদত্যাগ বিধায়ক কৰিলে ৰূপজ্যোতি কুৰ্মীয়ে।
আজি বিধানসভাৰ অধ্যক্ষ বিশ্বজিৎ দৈমাৰীৰ হাতত পদত্যাগ পত্ৰ দাখিল কৰে ৰূপজ্যোতি কুৰ্মীয়ে।
পদত্যাগ কৰাৰ পাছতেই বিজেপিত যোগদান কৰাৰ কথা মুকলিভাৱে ঘোষণা কৰে ৰূপজ্যোতি কুৰ্মীয়ে।
অহা সোমবাৰে অৰ্থাৎ ২১ জুনত লখিমপুৰত বিজেপিত যোগদানৰ কথা ঘোষণা কৰে ৰূপজ্যোতি কুৰ্মীয়ে।
বিজেপিত যোগদান কৰাৰ কথা ঘোষণা কৰিয়েই কংগ্ৰেছ দলৰ নেতৃত্বৰ বিৰুদ্ধে সৰৱ হৈ পৰে ৰূপজ্যোতি কুৰ্মী। আনহাতে, মুখ্যমন্ত্ৰী হিমন্ত বিশ্ব শৰ্মাৰ প্ৰশংসাত পঞ্চমুখ হৈ পৰে ৰূপজ্যোতি।
কংগ্ৰেছৰ ৰাষ্ট্ৰীয় নেতৃত্ব একেবাৰে কাম নথকা বুলি উল্লেখ কৰাৰ লগতে ৰাজ্যিক নেতৃত্বইয়ো একনায়কত্ববাদ চলোৱাৰ অভিযোগ তোলে ৰূপজ্যোতি কুৰ্মীয়ে।
কংগ্ৰেছৰ উপ দলপতি ৰকিবুল হুছেইনৰ মতেহে অসম প্ৰদেশ কংগ্ৰেছ কমিটি পৰিচালিত হয় বুলি আওপকীয়াকৈ উল্লেখ কৰে ৰূপজ্যোতি কুৰ্মীয়ে।
তেওঁ আৰু কয়, “কংগ্ৰেছ এডাল বৰগছ কিন্তু ইয়াৰ ডাল-পাত সমূহ শুকাই লেৰেলি যাবলৈ ধৰিছে।”
ইপিনে, মুখ্যমন্ত্ৰী হিমন্ত বিশ্ব শৰ্মাৰ কাৰ্য্য দক্ষতাৰ শলাগ লোৱাৰ লগতে সেইবাবেই বিজেপিৰ প্ৰতি আকৃষ্ট হোৱা বুলি কুৰ্মীয়ে উল্লেখ কৰে।
আনহাতে, দল বিৰোধী কাৰ্য্যত জড়িত থকাৰ অভিযোগত কংগ্ৰেছৰ প্ৰাথমিক সদস্য পদৰ পৰা বহিস্কাৰ কৰে কুৰ্মীক।