আভ্যন্তৰীণ জল পৰিবহণ (আই ডব্লিউ টি) খণ্ডক পুনৰুজ্জীৱিত কৰাৰ দিশত আৰু উত্তৰ-পূব অঞ্চলত সংযোগ শক্তিশালী কৰাৰ দিশত এক উল্লেখযোগ্য পদক্ষেপ হিচাপে কেন্দ্ৰীয় বন্দৰ, জাহাজ আৰু জলপথ মন্ত্ৰী সৰ্বানন্দ সোণোৱালে আজি গুৱাহাটীৰ পাণ্ডু বন্দৰত ২৫৪ কোটি টকাতকৈ অধিক ব্যয় সাপেক্ষ গুৰুত্বপূৰ্ণ প্ৰকল্প উদ্বোধন কৰিব।
মন্ত্ৰী সোণোৱালে ডিব্ৰুগড় জিলাৰ বগীবিলত ৪৬.৬০ কোটি টকা ব্যয়সাপেক্ষ যাত্ৰী সহ কাৰ্গো টাৰ্মিনেল, ৬.৯১ কোটি টকা ব্যয়সাপেক্ষ ত্ৰিপুৰাৰ ছিপাহিজালা জিলাৰ সোণমুৰাত থকা আই ডব্লিউ টি টাৰ্মিনেল আৰু কৰিমগঞ্জ আৰু বদৰপুৰত ৬.৪০ কোটি টকা ব্যয়সাপেক্ষ উন্নীতকৃত টাৰ্মিনেল উদ্বোধন কৰিব।
লগতে পঢ়কঃ নতুন উচ্চতাত টাটা, ইচ্ছা কৰিলে গোটেই পাকিস্তানখনকে কিনি ল’ব পাৰে! কিয় এই তুলনা?
এই অনুষ্ঠানৰ সময়ত মন্ত্ৰী সোণোৱালে ব্ৰহ্মপুত্ৰ নদীৰ বিভিন্ন স্থানত ৮.৪৫ কোটি টকা ব্যয়সাপেক্ষ ছটা জাহাজ ঘাট, ২৫ কোটি টকা ব্যয়সাপেক্ষ ৰাষ্ট্ৰীয় জলপথ-২ আৰু ৰাষ্ট্ৰীয় জলপথ-১৬ৰ বাবে ১৯খন যাত্ৰীবাহী জাহাজ আৰু ৩০ কোটি টকা ব্যয়সাপেক্ষ জাহাজ ঘাট সম্প্ৰসাৰণ, সংহত কাৰ্যালয় আৰু নদীপাৰ সুৰক্ষাৰো ঘোষণা কৰিব।
এই আন্তঃগাঁথনিগত উন্নয়নসমূহে উত্তৰ-পূবৰ ভিতৰত সংযোগ যথেষ্ট বৃদ্ধি কৰি তুলিবলৈ সাজু হৈছে, যাৰ ফলত যাত্ৰী আৰু মালবাহী জাহাজ উভয়ৰে মসৃণ চলাচলৰ সুবিধা হ’ব।
লগতে পঢ়কঃচণ্ডীগড় মেয়ৰ নিৰ্বাচনত হৰ্ছ ট্ৰেডিং! নিৰ্বাচনী বিষয়াগৰাকীক কাঠগড়াত তুলিলে উচ্চতম ন্যায়ালয়ে
এই উদ্বোধনী অনুষ্ঠানৰ উপৰিও ভাৰতীয় আভ্যন্তৰীণ জলপথ কৰ্তৃপক্ষৰ (আই ডব্লিউ এ আই) অনুপ্ৰৱেশ আৰু শুল্ক বিভাগৰ বাবে ৭.৫০ কোটি টকা ব্যয়সাপেক্ষ ধুবুৰী কাৰ্যালয় কমপ্লেক্সৰ আধাৰশিলা স্থাপন কৰা কৰা হ’ব। এইটোৱে অঞ্চলটোৰ প্ৰশাসনিক প্ৰক্ৰিয়া আৰু আন্তঃগাঁথনি উন্নয়ন সুশৃংখলিত কৰাৰ বাবে চৰকাৰৰ প্ৰতিশ্ৰুতিৰ ওপৰত গুৰুত্ব আৰোপ কৰিছে।
