মেঘালয়ৰ পূব খাচী পাহাৰ জিলাৰ চৰকাৰী আশ্ৰয় গৃহত বুধবাৰে যৌন নিৰ্যাতনৰ বলি হোৱা এগৰাকী ১৬ বছৰীয়া কিশোৰীয়ে আত্মহত্যা কৰি চৰম সিদ্ধান্ত গ্ৰহণ কৰে।
খবৰ অনুসৰি, উক্ত ভুক্তভোগীগৰাকীয়ে যোৱা নৱেম্বৰ মাহত ভয়ংকৰ যৌন নিৰ্যাতনৰ সন্মুখীনি হৈছিল। আচৰিতভাবে নিজৰ ককাদেউতাকেই যৌন নিৰ্যাতন চলাইছিল কিশোৰীগৰাকীৰ ওপৰত।
এই ঘটনাৰ সন্দৰ্ভত ইতিমধ্যে মাৱংগাপ থানাত গোচৰ ৰুজু কৰা হৈছে আৰু ধৰ্ষক ককাদেউতাক গৰাকীকো গ্ৰেপ্তাৰ কৰিছে আৰক্ষীয়ে। ইতিমধ্যে অভিযোগনামা দাখিল কৰা হৈছে আৰু অভিযুক্ত বৰ্তমান ন্যায়িক জিম্মাত আছে।
উল্লেখ্য যে ভুক্তভোগীৰ সুৰক্ষা আৰু মংগল সুনিশ্চিত কৰিবলৈ কিশোৰীগৰাকীক শিশু কল্যাণ সমিতিৰ হাতত গতাই দি মাউদিয়াংডিয়াঙৰ আশ্ৰয় গৃহত থকাৰ ব্যৱস্থা কৰা হৈছিল । কিন্তু তাৰপিছতো আশ্ৰয়গৃহতেই আত্মহত্যাৰ পথ বাচি লয় দুৰ্ভগীয়া কিশোৰীগৰাকীয়ে।
ঘটনাৰ পিছত কিশোৰী গৰাকীৰ মৃতদেহৰ মৰণোত্তৰ পৰীক্ষা কৰা হৈছে। কিশোৰীগৰাকীৰ অকাল মৃত্যুত ভাগি পৰিছে পৰিয়ালৰ লোক।
