সকলো প্ৰাণীৰে এক গুৰুত্বপূৰ্ণ জৈৱিক প্ৰয়োজন হৈছে যৌনতা। স্বাভাৱিক যৌন কাৰ্যকলাপে প্ৰেম তথা সম্পৰ্কলৈ ঘনিষ্ঠতা অনাৰ লগতে শাৰীৰিক আৰু মানসিক স্বাস্থ্যও ভালে ৰাখে। সেয়ে প্ৰাপ্তবয়স্ক লোকৰ বাবে নিয়মীয়া যৌন সম্পৰ্ক অতি দৰকাৰী। কিন্তু যৌন সম্পৰ্কীয় সমস্যাই দেখা দিলে জীৱোটো দুৰ্বিষহ হৈ পৰে। আজি আালোচনা কৰিবলৈ ওলাইছোঁ মহিলাসকলৰ কিছুমান যৌন সম্পৰ্কীয় সমস্যা সম্পৰ্কে।
১. যৌন ইচ্ছা হ্ৰাস পোৱা
যৌন আগ্ৰহৰ ধাৰাবাহিক অভাৱে সম্পৰ্কলৈ জটিলতা আনে। মহিলাৰ মাজত আটাইতকৈ বেছিকৈ দেখা পোৱা যৌন সমস্যা হৈছে এইচ এছ ডি ডি। অৰ্থাৎ যৌন ইচ্ছা হ্ৰাস পোৱা।
২. উত্তেজনাৰ বিকাৰ
যৌন কাৰ্য্যৰ সময়ত শাৰীৰিক বা মানসিকভাৱে উত্তেজিত হোৱাত নোহোৱাটো মহিলাসকলৰ এটা ডাঙৰ যৌন সমস্যা।
৩. অৰ্গাজমৰ সমস্যা
যিমান সংগম কৰিলেও কিছুমান মহিলাই অৰ্গাজমত উপনীত নহয়। এনে হ’লে যৌন সম্ভোগ আধৰুৱা হয় আৰু পৰম সন্তুষ্টি লাভ কৰিব নোৱাৰি।
৪/ যোনী শুকাই থকা
যৌন সম্পৰ্কৰ সময়ত বহুতো মহিলাৰ যোনীৰ পৰা স্বাভাৱিক তৰল পদাৰ্থ নিৰ্গত নহয়। মহিলাৰ যোনীৰ পৰা তৰল কামৰস নিৰ্গত হ’লে যৌন সম্ভোগ আমনিদায়ক হয়। লগতে যথেষ্ট বিষ হয়।
মহিলাৰ যৌন সমস্যাৰ কাৰণ
মহিলাৰ যৌন অক্ষমতা শাৰীৰিক, মানসিক আৰু ব্যক্তিগত কাৰকৰ সংমিশ্ৰণৰ ফলত হ’ব পাৰে
১. শাৰীৰিক কাৰণ
ক) ডায়েবেটিছ, হৃদৰোগ, হৰম’নৰ ভাৰসাম্যহীনতা, আৰু স্নায়ুজনিত বিকাৰে যৌন কাৰ্য্যত প্ৰভাৱ পেলাব পাৰে।
খ) এন্টিডিপ্ৰেছন আৰু ৰক্তচাপৰ ঔষধকে ধৰি কিছুমান ঔষধৰ পাৰ্শ্বক্ৰিয়াৰ ফলতো উত্তেজনা হ্ৰাস পাব পাৰে।
গ) ৰজোনিবৃত্তিৰ সময়ত হৰম’নৰ পৰিৱৰ্তনৰ ফলত প্ৰায়ে যোনি শুকান হোৱাৰ লগতে যৌন ইচ্ছা কমি যায়।
২/ মনোবৈজ্ঞানিক কাৰণ
ক) দৈনন্দিন জীৱনৰ মানসিক চাপে যৌন আনন্দত বাধাৰ সৃষ্টি কৰিব পাৰে।
খ) অতীতৰ যৌন নিৰ্যাতনৰ অভিজ্ঞতাৰ বাবেও যৌন ইচ্ছা নোহোৱা হৈ যাব পাৰে বা যৌন সম্পৰ্ক আমনিদায়ক হৈ পৰিব পাৰে।
গ) পাৰ্টনাৰৰ লগত আৱেগিক ঘনিষ্ঠতা নাথাকিলেও যৌন সম্ভোগ বিৰক্তিকৰ হ’ব পাৰে।
সমাধান আৰু চিকিৎসাৰ বিকল্প
ক) ৰজোনিবৃত্তিৰ পিছত মহিলাৰ বাবে ইষ্ট্ৰজেন বা টেষ্টষ্টেৰন থেৰাপীয়ে যৌন ইচ্ছা পুনৰুদ্ধাৰ কৰাত সহায় কৰিব পাৰে আৰু অস্বস্তি হ্ৰাস কৰিব পাৰে।
খ) ফ্লিবানচেৰিন আৰু যোনিৰ লুব্ৰিকেন্ট বা মইশ্ব’ৰাইজাৰৰ দৰে ঔষধে যোনী শুকাই যোৱা লক্ষণসমূহ উপশম কৰিব পাৰে।
গ) এজন পেছাদাৰীয চিকিৎসকে মানসিক আৰু শাৰীৰিক সমস্যা সমূহ দূৰ কৰাৰ বাবে চিকিৎসা আগবঢ়াব পাৰে।
ঘ) সুস্থ জীৱনশৈলী বজাই ৰাখিলে ৰক্ত সঞ্চালন, শক্তিৰ মাত্ৰা, আৰু মেজাজ উন্নত হয়। এই সকলোবোৰে সুস্থ যৌন জীৱনত অৰিহণা যোগায়।
ঙ) যোগাসন, ধ্যান, বা মাইণ্ডফুলনেছৰ দৰে অভ্যাসে মানসিক চাপ উপশম আৰু যৌন স্বাস্থ্য উন্নত কৰিব পাৰে।
মহিলাৰ যৌন সমস্যা বহুমুখী যদিও চিকিৎসা নথকা নহয়। সম্ভাৱ্য কাৰণসমূহ বুজি উপযুক্ত চিকিৎসা বা বিকল্প গ্ৰহণ কৰিলে মহিলাসকলে নিজৰ যৌন স্বাস্থ্যৰ ওপৰত পুনৰ নিয়ন্ত্ৰণ লাভ কৰিব পাৰে আৰু তেওঁলোকৰ জীৱনৰ মানদণ্ড বৃদ্ধি কৰিব পাৰে।
