সমগ্ৰ দেশতে লোকসভা নিৰ্বাচনৰ ৰণদুন্দুভি বাজিছে। শাসকীয় দলৰ পৰা আৰম্ভ কৰি বিৰোধী দললৈকে নিৰ্বাচনী প্ৰচাৰত চেষ্টাৰ কোনো ত্ৰুটি কৰা নাই।
অৱশ্যে ইয়াৰ মাজতে এটা ডাঙৰ প্ৰশ্ন উত্থাপন হৈছে, আৰু সেয়া হ’ল প্ৰধানমন্ত্ৰী নৰেন্দ্ৰ মোডীৰ বিকল্প কোন? এই প্ৰশ্নৰ উত্তৰ দিলে কংগ্ৰেছৰ সাংসদ শশী থাৰুৰে।
কংগ্ৰেছৰ সাংসদ শশী থাৰুৰে কয় যে প্ৰধানমন্ত্ৰী নৰেন্দ্ৰ মোদীৰ স্থান কোনে ল’ব পাৰে সেই প্ৰশ্নটো অৰ্থহীন। তেওঁ কয়, ‘আমি দল বা মিত্ৰজোঁটৰ বাহিৰে আন কোনো ব্যক্তিক নিৰ্বাচন নকৰো।’
লগতে পঢ়কঃ মহৰ্ষি মনমোহন! সংসদীয় ৰাজনীতিৰ পৰা বিদায়; মনমোহন সিঙৰ অৱসৰত আৱেগিক চিঠি খাৰ্গেৰ
ছ’চিয়েল মিডিয়া প্লেটফৰ্ম এক্সত শশী থাৰুৰে পোষ্ট কৰি লিখিছে, ‘আকৌ এবাৰ এজন সাংবাদিকে মোক সুধিলে যে প্ৰধানমন্ত্ৰী মোদীৰ স্থান কোনে ল’ব পাৰে? মোৰ মতে সংসদীয় ব্যৱস্থাত এই প্ৰশ্নটো অৰ্থহীন। আমি কোনো ব্যক্তিক নিৰ্বাচন নকৰো, বৰঞ্চ এটা দল বা মিত্ৰজোঁটক নিৰ্বাচন কৰো। প্ৰধানমন্ত্ৰীৰ বিকল্প যিয়েই নহওক কিয়, তেওঁ এজন অভিজ্ঞ, দক্ষ আৰু বৈচিত্ৰময় ভাৰতীয় নেতা হ’ব, যি মানুহৰ সমস্যাৰ প্ৰতি সঁহানুভুতিশীল আৰু ব্যক্তিগত অহংকাৰ শূন্য।”
Yet again a journalist has asked me to identify an individual who is the alternative to Mr Modi.
The question is irrelevant in the Parliamentary system. We are not electing an individual (as In a presidential system), but a party, or coalition of parties, that represents a set…
— Shashi Tharoor (@ShashiTharoor) April 3, 2024
তেওঁ লগতে কয় যে `প্ৰধানমন্ত্ৰীৰ নিৰ্বাচন গৌণ বিবেচনা। তেওঁলোকে কাক প্ৰধানমন্ত্ৰী হিচাপে নিৰ্বাচন কৰিব সেয়া হ’ব লক্ষ্যণীয়।‘
