তেওঁ ‘বেণ্ডিট কুইন’ (দস্যু ৰাণী)হিচাপে বেছি পৰিচিত। ১৯৬৩ চনত মাল্লা সম্প্ৰদায়ৰ পৰিয়ালত জন্মগ্ৰহণ কৰিছিল। নানা অন্যায়ৰ বলি হৈ তেওঁ এগৰাকী ‘ডকাইত’ৰ জীৱন মানি ল’বলৈ বাধ্য হৈছিল। তেওঁ হৈছে ফুলন দেৱী।
উত্তৰ প্ৰদেশৰ বেহমাইগাঁও গাঁৱত ধৰ্ষণৰ বলি হৈছিল। ১৯৮১ চনত সেই গাঁৱৰ ২২ জন লোকক ডকাইতে হত্যা কৰিছিল। ফুলনৰ বিৰুদ্ধে হত্যাৰ অভিযোগ উত্থাপন হৈছিল। ২০ বছৰৰো কম বয়সৰ নিৰক্ষৰ যুৱতী হোৱাৰ পিছতো সমগ্ৰ ভাৰততে আলোড়নৰ সৃষ্টি কৰিছিল।
তেওঁৰ অবিশ্বাস্য জীৱনক লৈ নিৰ্মিত ‘বেণ্ডিট কুইন’ ছবিখন নিৰ্মাণ কৰিছিল ভাৰতৰ অন্যতম শ্ৰেষ্ঠ পৰিচালক শেখৰ কাপুৰে। শেহতীয়াকৈ অ’টিটি প্লেটফৰ্ম এমাজন প্ৰাইম ভিডিঅ’ত মুক্তি লাভ কৰিছে এই ছবিখনে। তেতিয়াৰ পৰাই আৰম্ভ হৈছে বিতৰ্ক।
বাতৰি অনুসৰি, ১৯৯৪ চনত মুক্তি পোৱা ‘বেণ্ডিট কুইনছ’ক ভাৰতৰ অন্যতম গুৰুত্বপূৰ্ণ ছবি বুলি গণ্য কৰা হয়। মালা সেনৰ দ্বাৰা ৰচিত ‘ ইণ্ডিয়াছ বেণ্ডিট কুইন: দ্য ট্ৰু ষ্টোৰী অফ ফুলন দেৱী’ নামৰ গ্ৰন্থখনৰ আধাৰত শ্বেখৰ কাপুৰে নিৰ্মাণ কৰিছিল ছবিখন। ছবিখনত ফুলন দেৱীৰ চৰিত্ৰত অভিনয় কৰিছে অসমৰ সীমা বিশ্বাসে।
১৯৯৪ চনত কান মহোৎসৱত অংশগ্ৰহণ কৰা ছবিখনে সমালোচকৰ ব্যাপক প্ৰশংসা লাভ কৰিছিল। কিন্তু চিনেমাখনক লৈ বিতৰ্কও কম হোৱা নাই।
যাৰ জীৱনক লৈ ছবিখন কৰা হৈছে সেই ফুলন দেৱীয়ে ছবিখন মুক্তিৰ বিৰুদ্ধে স্থিতি গ্ৰহণ কৰে। কিন্তু পিছত প্ৰযোজকৰ সৈতে আলোচনা কৰি আপত্তি প্ৰত্যাহাৰ কৰে। ছবিখনত ধৰ্ষণৰ দৃশ্যক লৈও আপত্তি উত্থাপন হৈছিল।
‘বেণ্ডিট কুইন’ অ’টিটিত মুক্তি পোৱাৰ লগে লগে নতুন আলোচনাৰ সূচনা হৈছে। আমাজন প্ৰাইমে ছবিখনৰ কেইবাটাও দৃশ্য কৰ্তনৰ সৈতে মুকলি কৰিছে। এই সন্দৰ্ভত শেখৰ কাপুৰৰ তীব্ৰ আপত্তি। দুদিন পূৰ্বে এক্সত প্ৰযোজকজনে কৈছিল যে ছবিখনৰ সম্পাদিত সংস্কৰণ যে অ’টিটিত মুক্তি পাব বুলি তেওঁক জনোৱা হোৱা নাছিল।
তেওঁ লিখিছে, ‘এইটো কি হ’ল? এই পৰিৱৰ্তনৰ বিষয়ে প্ৰযোজক বা সম্পাদকেও নাজানিলে।’ পিছত প্ৰযোজক হংসল মেহতাইও আমাজনৰ এই সিদ্ধান্তক তীব্ৰ সমালোচনা কৰে। অৱশ্যে ইয়াৰ প্ৰতি কোনো প্ৰতিক্ৰিয়া প্ৰকাশ কৰা নাই প্লেটফৰ্মটোৱে।
