শিৱ সেনাৰ সাংসদ সঞ্জয় ৰাউটে শনিবাৰে কয় যে এনচিপিৰ জ্যেষ্ঠ নেতা শ্বাৰদ পাৱাৰে সংযুক্ত প্ৰগতিশীল মৰ্চাৰ (ইউনাইটেড প্ৰগ্ৰেছিভ এলায়েঞ্চ) অধ্যক্ষৰ পদ গ্ৰহণ কৰিব লাগে।
নাছিকত সাংবাদিকৰ আগত শিৱসেনাৰ সাংসদজনে কয় যে ইউপিএক শক্তিশালী কৰিব লাগে, যাতে বিজেপিৰ বিকল্প হ’ব পাৰে।
”কংগ্ৰেছৰ সভাপতি ছোনিয়া গান্ধীয়ে ইউপিএৰ অধ্যক্ষৰ দায়িত্ব সুন্দৰভাৱে পালন কৰিলে। বৰ্তমান তেওঁ অসুস্থ আৰু ৰাজনৈতিকভাৱে সক্ষম নহয়।”- শিৱসেনাৰ সাংসদজনে কয়- ”পাৱাৰ ইউপিএৰ অধ্যক্ষ হ’ব লাগে। যদি ইউপিএৰ শক্তিশালীভাৱে উত্থান হয়, তেনেহ’লে কংগ্ৰেছো লাভান্বিত হ’ব।”
উল্লেখযোগ্য যে শিৱসেনাই বৰ্তমান মহাৰাষ্ট্ৰত এনচিপি আৰু কংগ্ৰেছৰ স’তে ক্ষমতাত অধিস্থিত হৈ আছে কিন্তু কংগ্ৰেছ নেতৃত্বাধীন ইউপিএত অংশগ্ৰহণ কৰা নাই।
শিৱসেনাৰ সাংসদজনে দলৰ শেহতীয়া পত্ৰিকা ‘সামনা’ত লিখিছিল যে শিৱ সেনা আৰু আকালি দলে বিজেপিক পৰাস্ত কৰিবলৈ ইউপিএত অন্তৰ্ভূক্ত হ’ব লাগে।
