এছিয়া কাপ ছুপাৰ ফোৰৰ শুকুৰবাৰৰ খেলখনত ভাৰতক ৬ ৰাণত পৰাস্ত কৰে বাংলাদেশে। অৱশেষত বাংলাদেশৰ স্পিনাৰসকলে কঠিন যুঁজত নিজৰ আধিপত্য দেখুৱালে। ভাৰতীয় বেটছমেনসকলে মাজৰ অভাৰত ৰান কৰিব নোৱাৰি চাপত উইকেট হেৰুৱাইছিল। ২৬৬ ৰানৰ লক্ষ্যৰে বেটিং কৰিবলৈ নামি আৰম্ভণিতে ৰোহিত শৰ্মা আউট হয়। সেইদৰে, এদিনীয়াত অভিষেক ঘটোৱা তিলক ভাৰ্মাও আগতীয়াকৈ আউট কৰা হয়।
শুভমন গীলে এফালে খেলে যদিও আনফালে কোনো ডাঙৰ পাৰ্টনাৰশ্বিপ গঢ়ি নুঠিল। ভাল আৰম্ভণিৰ পিছতো কে এল ৰাহুল, সূৰ্যকুমাৰ যাদৱে ৰান নাপালে। কিন্তু গীলে জয়ী হোৱাৰ আশা সজীৱ ৰাখিছিল। অক্ষৰ পেটেলৰ সৈতে যুটী বান্ধি জয়ৰ পথ ক্ৰমান্বয়ে স্পষ্ট হৈ কৰিছিল। কিন্তু ১২১ ৰান কৰি উভতি আহিল গীল।
অক্ষৰ আৰু শাৰ্দুলে চেষ্টা চলাই আছিল। কিন্তু ভাৰতীয় টেইলেণ্ডাৰসকলে মুস্তাফিজুৰৰ উৎকৃষ্ট ডেথ বলিঙৰ সন্মুখত তিষ্ঠিব নোৱাৰিলে।
মুস্তাফিজুৰ ৰহমানে ৩টা, তাঞ্জিম আৰু মেহদীয়ে দুটাকৈ, ছাকিব আৰু মিৰাজে এটাকৈ উইকেট দখল কৰে। ভাৰতীয় অধিনায়ক ৰোহিত শৰ্মাই টছত জয়লাভ কৰি ফিল্ডিং কৰাৰ সিদ্ধান্ত লয়। আনটো মূৰৰ পৰা বলিং কৰিবলৈ অহা মহম্মদ ছামী আৰু শাৰ্দুল ঠাকুৰে আৰম্ভণিতে বাংলাদেশক বেকফুটলৈ ঠেলি দিছিল। ৫৯ ৰানৰ ভিতৰত ৪ উইকেট হেৰুৱাইছিল বাংলাদেশ।
তাৰ পৰাই অধিনায়ক ছাকিব আল হাছান আৰু তৌহিদ হৃদয়ে খেলখনৰ নিয়ন্ত্ৰণ লয়। ছাকিবৰ ৮০ আৰু হৃদয়ৰ ৫৪ ৰানৰ পাৰ্টনাৰশ্বিপে বাংলাদেশক তুলনামূলকভাৱে ভাল স্থানত উপনীত কৰায়।
শ্বাকিবক ব’ল্ড কৰি পুনৰ এই যুটী ভাঙে শাৰ্দুলে। দলৰ ১৬০ ৰানৰ মূৰত ছাকিবৰ উইকেট হেৰুৱাই শেষত নাছুম আহমেদৰ ৪৪ ৰান আৰু মেহেদী হাছানৰ ২৯ ৰানেৰে পঞ্চাশ অভাৰৰ শেষত ২৬৫ ৰান সংগ্ৰহ কৰে। শাৰ্দুল তিনিটা, ছামীয়ে দুটা, প্ৰসিদ্ধ, অক্ষৰ আৰু জাদেজাই এটাকৈ উইকেট লাভ কৰে।
