নিজৰেই মন্ত্ৰীৰ ব্যৰ্থতা উদঙালে বিজেপিৰ জ্যেষ্ঠ বিধায়কে!
বিজেপিৰ বিধায়কৰ মুখত বিজেপিৰে বিফলতাৰ প্ৰসংগ!
বিজেপিয়ে পৌৰ নিগম দখল কৰিলে চুইচ টিপিলেই ঘৰে ঘৰে খোৱাপানী লাভ কৰিব বুলি এসময়ত বিজেপিৰ জয়গান গাইছিল এইগৰাকী সিদ্ধাৰ্থ ভট্টাচাৰ্য্যই।
কিন্তু মন্ত্ৰী সভাৰ সম্প্ৰসাৰণ হ’ল যদিও কোনো মন্ত্ৰিত্ব লাভ নকৰিলে পূৱ গুৱাহাটী সমষ্টিৰ বিধায়ক সিদ্ধাৰ্থ ভট্টাচাৰ্য্যই।
সেয়েহে ডিফুত বিজেপিৰ কাৰ্য্য নিৰ্বাহকত অংশ লৈ সাংবাদিকৰ আগত নগৰ পৰিক্ৰমা দপ্তৰৰ
মন্ত্ৰী অশোক সিংহালৰ বিৰুদ্ধে সৰব প্ৰাক্তন মন্ত্ৰী সিদ্ধাৰ্থ ভট্টাচাৰ্য্য!
সিদ্ধাৰ্থ ভট্টাচাৰ্য্যৰ মতে “পূৰ্বেও ধাৰাসাৰ বৰষুণ হৈছিল। ২০২০ চনত সৰ্বাধিক বৃষ্টিপাত হৈছিল।”
“বাৰিষালৈ অৰ্থাৎ জুলাই মাহলৈকে ৰৈ থাকি গুৱাহাটীৰ নলা চাফা কৰি লাভ নাই। অক্টোবৰ মাহৰ পৰাই গুৱাহাটীৰ নলা চাফা কৰা কাম আৰম্ভ কৰিব লাগে।
ইপিনে, ৩০ কোটি টকা ব্যয় সাপেক্ষে গুৱাহাটীৰ নলা চাফা কৰিবলৈ বিজেপি চৰকাৰে দহখনকৈ চুপাৰ চাকাৰ বাহন ক্ৰয় কৰি আনিছিল।
কিন্তু তাৰ বিফলতাৰ ছবিখনহে প্ৰতিফলিত হ’ল বিধায়ক সিদ্ধাৰ্থ ভট্টাচাৰ্য্যৰ মুখত।
তেওঁ কয় “চুপাৰ চাকাৰ বাহনৰে ৰোধ কৰিব নোৱাৰি বানপানীৰ সমস্যা। সেয়েহে মোৰ দিনত পৰীক্ষণ কৰি ঘূৰাই পঠিয়াইছিলো চুপাৰ চাকাৰ।”
“সু-পৰিকল্পনা আৰু সময়োচিত পদক্ষেপ নলয় বিজেপি চৰকাৰে।”
সিদ্ধাৰ্থ ভট্টাচাৰ্য্যই মুখ খুলি নক’লেও তেওঁৰ বক্তব্যৰ পৰা স্পষ্ট সেই কথা।
কেৱল ইমানেই নহয়, বিধায়ক সিদ্ধাৰ্থ ভট্টাচাৰ্য্যই সুযোগ বুজি বিজেপিৰ ভুল নীতিক সমালোচনা কৰা দেখিবলৈ পোৱা গ’ ল।
তেওঁ কয় “বৰ্নাত্যক উদ্ধাৰ কৰা সাহায্য দিয়াই একমাত্ৰ সমাধান নহয়; বানপানী হোৱাৰ পূৰ্বে ইয়াৰ প্ৰতিকাৰৰ ব্যৱস্থা ল’ব লাগে।
ইপিনে, গুৱাহাটী মহানগৰ উন্নয়ন দপ্তৰৰ মন্ত্ৰী হৈ থাকোতে গুৱাহাটীত এনেধৰণে বানপানী হ’ব দিয়া নাছিল বুলি দাবী কৰে সিদ্ধাৰ্থ ভট্টাচাৰ্য্যই।
স্মাৰ্ট চিটীৰ ধন কিয় খৰচ নকৰিলে সিদ্ধাৰ্থ ভট্টাচাৰ্য্যই? নিজেই নিজক প্ৰশ্ন কৰি তেওঁ
ঠিকাদাৰক ধনী কৰিব নিবিচাৰে বুলি উল্লেখ কৰে।
ইপিনে, গুৱাহাটী মহানগৰ উন্নয়ন দপ্তৰৰ প্ৰাক্তন মন্ত্ৰী সিদ্ধাৰ্থ ভট্টাচাৰ্য্যৰ সুৰতেই সুৰ মিলালে বিৰোধী দলপতি দেবব্ৰত শইকীয়াই।
১০খনকৈ Super Sucker” ট্ৰাক ৩০ কোটি টকা ব্যয় কৰি মন্ত্রী অশোক সিংঘালে পুঁজিৰ অপব্যৱহাৰ কৰিলে বুলি গুৰুতৰ অভিযোগ তোলে বিৰোধী দলপতিগৰাকীয়ে। লগতে মন্ত্ৰী অশোক সিংহালক মুখ্যমন্ত্ৰীয়ে জবাবদিহি কৰিব লাগে বুলি দাবী কৰে দেৱব্ৰত শইকীয়াই।
যি কি নহওঁক, শাসকীয় দলৰ বিধায়ক হৈয়ো বিজেপি চৰকাৰৰ বিফলতাৰ ছবিখন দাঙি ধৰি সিদ্ধাৰ্থ ভট্টাচাৰ্য্যই যেন এয়া একপ্ৰকাৰৰ ক্ষোভৰে উদগীৰণহে ঘটালে।
