কালিলৈ অনুষ্ঠিত হ’বলগীয়া ভোট গণনাৰ বাবে সাজু শিৱসাগৰ জিলা প্ৰশাসন।
শিৱসাগৰ চৰকাৰী উচ্চতৰ মাধ্যমিক বিদ্যালয়ৰ ভোট গণনা কেন্দ্ৰত অনুষ্ঠিত হ’ব ভোট গণনা প্ৰক্ৰিয়া।
পুৱা আঠ বজাৰ পৰা আৰম্ভ হব ভোট গণনা।
ইতিমধ্যে ভোট গণনা প্ৰক্ৰিয়াৰ বাবে সম্পূৰ্ণ সাজু কৰি তোলা হৈছে শিৱসাগৰ চৰকাৰী উচ্চতৰ মাধ্যমিক বিদ্যালয়ৰ ভোট গণনা কেন্দ্ৰ।
এই কেন্দ্ৰটোত শিৱসাগৰৰ তিনিটা সমষ্টিৰ ভোটহণনা কৰা হ’ব।
শিৱসাগৰ, আমগুৰি আৰু থাওৰা এই তিনিটা সমষ্টিৰ ভোট গণনা অনুষ্ঠিত হ’ব এই কেন্দ্ৰটোত।
এই তিনিটা সমষ্টিৰ মুঠ ১৪ গৰাকী প্ৰাৰ্থীৰ ভৱিষ্যত নিৰ্ণয় হ’ব কালিলৈ।
পুৱা আঠ বজাৰ পৰা অনুষ্ঠিত হবলগীয়া এই তিনিটা সমষ্টিৰ ভোট গণনা কাৰ্যৰ প্ৰথমে পোষ্টেল বেলেটৰ ভোট গণনা কৰা হ’ব।
ভোট গণনাৰ বাবে নিয়োজিত সকলো কৰ্মচাৰীৰ ক’ভিড টেষ্ট সম্পূৰ্ণ কৰা হৈছে বুলি জানিবলৈ দিয়ে জিলা উপায়ুক্ত বিষ্ণ কমল বৰাই।
