শিৱসাগৰ জিলাৰ জাঁজী আমগুৰিৰ আৰলিন বেগমে লাভ কৰিলে ‘মিছ টীন’ ২০১৯ অসম সুন্দৰী খিতাপ। নতুন দিল্লীৰ গুৰগ্ৰামস্থিত হোটেল ব্ৰিচটল’ত যোৱা ১৮ জুনত অনুষ্ঠিত হোৱা মিছেছ ইণ্ডিয়া হোমমেকাৰ ২০১৯ আৰু কুইন য়ুনিভাৰ্ছ প্ৰতিযেগিতাত অংশ গ্ৰহণ কৰি অসমৰ চাৰিগৰাকী প্ৰতিযোগীয়ে খিতাপ অৰ্জন কৰিবলৈ সক্ষম হয়।
২০ জুনত গুৱাহাটী প্ৰেছ ক্লাৱত অনুষ্ঠিত এক সংবাদ মেলত এই কথা সদৰি কৰে তত্ত্বাৱধায়ক তথা মিলেনিয়াম কুইন য়ুনিভাৰ্ছ ২০১৯ৰ বিজয়ী কিৰণ বড়োৱে।
সংবাদ মেলত তেওঁ কয় যে উক্ত প্ৰতিযোগিতাত ভাৰতৰ বিভিন্ন প্ৰান্তৰ উপৰি জাপান, কোৰিয়া আৰু ছাংহাইৰ প্ৰতিযোগীয়ে অংশ গ্ৰহণ কৰিছিল। তেখেতৰ তত্ত্বাৱধানত অসমৰ ভিতৰুৱা অঞ্চল কোকৰাঝাৰ, বিজনী, কাশীকাটৰা, লখিমপুৰ, বোকাখাত, শিৱসাগৰ আদি স্থানৰ পৰা মুঠ এঘাৰগৰাকী প্ৰতিযোগীয়ে অংশ গ্ৰহণ কৰিছিল।
ইয়াৰ ভিতৰত ছুইটী গয়াৰীয়ে মিছ ইণ্ডিয়া, শিৱসাগৰৰ আৰলিন বেগমে মিছ টীন, আনন্দিতা দাসে মিছেছ খিতাপ আৰু ডেইজী বসুমতাৰীয়ে কুইন য়ুনিভাৰ্ছ খিতাপ আৰ্জন কৰে। আনহাতে দীয়াশ্ৰী ৰাজবংশীয়ে লিটুল প্ৰিন্সেছ, জেউতি দাসে প্ৰথম ৰানাৰ আপৰ সন্মান লাভ কৰে।
