বিহালী আৰু গহপুৰৰ এশৰো অধিক গাঁওবুঢ়াৰ মাজত স্মাৰ্টফোন বিতৰণ
বৰ্তমান এখন গাওঁৰ প্ৰতিটো সমস্যা প্ৰতিটো অভাৱ অনাতন তথা প্ৰতিটো সমস্যা সন্দৰ্ভত গাঁও পঞ্চায়ত খনৰ লগতে এক প্ৰধান দায়িত্ব থাকে গাঁওখনৰ গাঁওবুঢ়াজনৰ।
বৰ্তমান সময়ত উন্নত প্ৰযুক্তি বিদ্যাৰ মাজেৰে ৰাইজৰ লগতে প্ৰশাসনক যাতে গাঁওখনৰ প্ৰতিটো সমস্যা অৱগত কৰিব পাৰে তাৰ প্ৰতি লক্ষ্য ৰাখি চৰকাৰৰ তৰফৰ পৰা আজি গাঁওবুঢ়া সকলৰ মাজত বিতৰণ কৰা হয় বিনামুলীয়া মোবাইল ফোন।
বিশ্বনাথৰ বিহালী উন্নয়ন খণ্ডৰ বৰ্তমানৰ দায়িত্বত থকা খণ্ড উন্নয়ন বিষয়া আবুল কালাম আৰু বিহালী সমষ্টিৰ বিধায়ক মন্ত্ৰী ৰঞ্জিত দত্তৰ উপস্থিতিত বিহালী সমষ্টিৰ অন্তৰ্গত ৫০ জন গাঁওবুঢ়াক অত্যাধুনিক স্মাৰ্ট ফোন প্ৰদান কৰে।
এই সময়ছোৱাত গাঁওবুঢ়া সন্থাৰ জিলাৰ বিষয়-ববীয়া সকলো উপস্থিত থাকে। সমান্তৰালকৈ আজি গহপুৰস্থিত কনকলতা ভৱনতো গহপুৰৰ বিধায়ক উৎপল বৰায়ে ৮৭ জন গাওঁবুঢ়াক অত্যাধুনিক স্মাৰ্ট ফোন প্ৰদান কৰে।
উল্লেখ্য যে গাঁওখনৰ গাওঁবুঢ়া সকলে বিভিন্ন সময়ছোৱাত যি কোনো সমস্যা সন্দৰ্ভত প্ৰশাসনৰ সৈতে সংযোগ স্থাপনত যাতে কোনো ধৰণৰ ব্যৱধান নাথাকে তাৰ বাবে গ্ৰহণ কৰা এনে ব্যৱস্থাক যথেষ্ট সলাগ লৈছে গাঁওবুঢ়া সকলে।
ইতিমধ্যে জিলা খনৰ মুল সুঁতি বিশ্বনাথতো অতি সোনকালে প্ৰায় ৬০ ৰো অধিক গাঁঁৱৰ গাঁওবুঢ়াসকলক এই মোবাইল ফোন বিতৰণ কৰিব বুলি জানিব পৰা গৈছে।