অতিমাত্ৰা অনলাইন ক্লাছৰ বিৰুদ্ধে প্ৰধানমন্ত্ৰীক অভিযোগ দিলে এজনী ৬ বছৰীয়া কণমানিয়ে
ক’ভিড পৰিস্থিতিৰ বাবে দেশখনৰ অসংখ্য ছাত্ৰ-ছাত্ৰীয়ে অনলাইন ক্লাছযোগে শিক্ষা গ্ৰহণ কৰি আছে।
এই শিক্ষা প্ৰণালীক লৈ অসন্তুষ্ট হৈ পৰিছে ছাত্ৰ-ছাত্ৰীসকল।
তাৰে এটা প্ৰমাণ পোৱা গ’ল এজনী ৬ বছৰীয়া কণমানি ছাত্ৰীৰ শেহতীয়া এক ভাষ্যযোগে।
জম্ন-কাশ্মীৰৰ ছাত্ৰীগৰাকীয়ে দীৰ্ঘ সময় ধৰি অনলাইন ক্লাছ কৰি ভাগৰি পৰিছে।
সেয়ে ছাত্ৰীগৰাকীয়ে প্ৰধানমন্ত্ৰী নৰেন্দ্ৰ মোদীলৈ এক বাৰ্তা প্ৰেৰণ কৰিছে।
A six-year-old Kashmiri girl’s complaint to @PMOIndia @narendramodi regarding long hours of online classes and too much of school work. pic.twitter.com/S7P64ubc9H
— Aurangzeb Naqshbandi (@naqshzeb) May 29, 2021
এগৰাকী সাংবাদিকে টুইটাৰযোগে শ্বেয়াৰ কৰা ছাত্ৰীগৰাকীৰ এটা ভিডিঅ’ত লিখিছে যে অনলাইন ক্লাছৰ দীৰ্ঘ সময় আৰু অতি বেছি স্কুলৱৰ্কৰ বিৰুদ্ধে এজনী ৬ বছৰীয়া কাশ্মিৰী ছোৱালীয়ে প্ৰধানমন্ত্ৰীক অভিযোগ উত্থাপন কৰিছে।
৪৫ চেকেণ্ডৰ ক্লিপটোত ছাত্ৰীগৰাকীয়ে কোৱা দেখা গৈছে যে তাইৰ ক্লাছসমূহ ১০ বজাত আৰম্ভ হৈ ২ বজালৈকে চলি থাকে।
তাই কয় যে ইংলিছ, গণিত, উৰ্দুৰ উপৰিও কম্পিউটাৰ ক্লাছো কৰিব লগা হয়।
“এয়া শিশুৰ বাবে অত্যধিক কামৰ হেঁচা।”- ছাত্ৰীগৰাকীয়ে কয়।
তদুপৰি ছাত্ৰীগৰাকীৰ অভিযোগটো ১,২০০ বাৰ ৰিটুইট কৰা হৈছে।