আকাশবাণী নগাঁও কেন্দ্ৰত সোণাৰু কাচন কাব্য গ্ৰন্থ উন্মোচন
আকাশবাণী নগাঁও কেন্দ্ৰৰ সৌজন্যত ক্ৰান্তিকাল প্ৰকাশনৰ দ্বাৰা প্ৰকাশিত মিনতি দেৱী কাকতিৰ সোণাৰু কাচন শীৰ্ষক লেখকৰ তৃতীয়তম কাব্যসংকলনৰ উন্মোচনী সভাখন আজি আকাশবাণী নগাঁও কেন্দ্ৰৰ প্ৰাংগণত অনুষ্ঠিত হয় ।
বিষাদৰ পাঠ আৰু ৰাতি জুনুকা নিপিন্ধিবা শীৰ্ষক কাব্য গ্ৰন্থৰে ইতিপূৰ্বেই পাঠকৰ মাজত পৰিচিত কাকতিৰ সোণাৰু কাচনৰ শুভ উন্মোচন কৰে বিশিষ্ট কবি তথা সদৌ অসম কবি সন্মিলনৰ সভাপতি প্ৰদীপ শইকীয়াই ।
সভাৰ প্ৰাৰম্ভণিতে বন্তি প্ৰজ্বলনৰে সভাৰ শুভাৰম্ভ কৰা বিশিষ্ট শিশু সাহিত্যিক নূপুৰ মোমাইদেউখ্যাত ত্ৰৈলোক্য ভট্টাচাৰ্য , আকাশবাণী নগাঁও কেন্দ্ৰৰ প্ৰচাৰণ কাৰ্যবাহী গৌতম নাথ, ঘোষক কিৰণ চন্দ্ৰ নাথ, ক্ৰান্তিকাল প্ৰকাশনৰ স্বত্বাধিকাৰ কৈলাশ কুমাৰ ৰাজখোৱা, নগাঁও জিলা কবি সন্মিলনৰ উপদেষ্টা দূৰ্গেশ্বৰ বৰকটকী , উপ-সভাপতি কৰবী লিগিৰা, সম্পাদক পৱন ভানু শৰ্মা, নগাঁও প্ৰেছ ক্লাৱৰ সম্পাদক চন্দনজ্যোতি বৰা , আকাশবাণী গুৱাহাটী কেন্দ্ৰৰ ঘোষক- শিল্পী- শিক্ষাবিদ তথা কবি ড° আৰতি কলিতা, ডিভাইন হেণ্ড ৱেলফেয়াৰ অৰ্গেনাইজেশ্বনৰ উপদেষ্টা ড° ৰমেন্দ্ৰ কুমাৰ ভূঞা, সম্পাদক মোহন দত্ত, সমন্বয়ক বাণী ফুকন, বিশিষ্ট সমাজকৰ্মী অৰুণ বৰা, শিল্পী গম্ভীৰ নাথ, ধেনুৰাম নাথ, সদৌ অসম কবি সন্মিলনৰ কেন্দ্ৰীয় সাংগঠনিক সম্পাদক সঞ্জীৱ সাগৰ চৌধুৰী, চিত্ৰশিল্পী অচ্যুত প্ৰৱৰ শৰ্মা, লাৱণ্য দেৱীৰ লগতে যুৱ প্ৰজন্মৰ সাহিত্যসেৱী ৰূপম নাথ, কাবেৰী বৰা উপস্থিত থাকে ।
উল্লেখ্য যে আজি অনুষ্ঠিত সভাৰ সমূহ কাৰ্যসূচীৰ সম্প্ৰচাৰ ১৪ নৱেম্বৰৰ পুৱা ৯.১৫ বজাত আকাশবাণী নগাঁও কেন্দ্ৰযোগে শুনিবলৈ পাব বুলি জনাইছে সভাখনৰ আঁতধৰোতা মদাৰজ্যোতিয়ে ।