১০০ কোটি টকাৰ চিনেমাতকৈ কৰোণা ৰোগীৰ সেৱাত বেছি তৃপ্তি, ক’লে চনু সুদে

কিছুদনি পূৰ্বে কৰোণাত আক্ৰান্ত হৈছিল তেওঁ।

সুস্থ হৈয়েই পুনৰ কৰোণা আক্ৰান্ত লোকসকলৰ সেৱাত নিজকে আত্মনিয়োগ কৰিছে বলিউডৰ অভিনেতা চনু সুদে।

এইধৰণে মানৱীয় কৰ্মত নিজকে সঁপি দি তেওঁ কিমান আত্মসন্তোষ লাভ কৰিছে, সেই কথা টুইটাৰযোগে তেওঁ ভাৱ প্ৰকাশ কৰিছে।

তেওঁ জানিবলৈ দিছে যে ১০০ কোটি টকাৰ একোখন ছৱিৰ অংশ হোৱাতকৈও এইধৰণৰ কামত জড়িত থাকি লক্ষ গুণ বেছি আনন্দ লাভ কৰিব পাৰি।

মঙলবাৰে ৰাতি টুইটাৰত তেওঁ লিখে- “মাজৰাতি যেতিয়া অসংখ্য ফোন কৰি আক্ৰান্ত লোকসকলৰ বাবে প্ৰয়োজনীয় বিচনাৰ ব্যৱস্থা কৰা হয়, অক্সিজেন যোগান ধৰা হয়, মই শপত লৈ কৈছো যে ১০০ কোটিৰ ছৱিৰ অংশ হোৱাকৈ এয়া লক্ষ গুণ বেছি সন্তোষজনক। যেতয়া হস্পিতালৰ বাহিৰত মানুহে এখন বিচনাৰ বাবে অপেক্ষাত অধীৰ হৈ ৰৈছে, তেতিয়া কি আমি শুব পাৰো নেকি?”

In the middle of night,after making numerous calls if u r able to get beds for needy, oxygen for some people n save few lives, I swear..it’s million times more satisfying than being a part of any 100cr film. We can’t sleep when people are infront of hospitals waiting for a bed.

— sonu sood (@SonuSood) April 27, 2021

ক’ভিডৰ দ্বিতীয় ঢৌৱে ভাৰতত হাহাকাৰৰ সৃষ্টি কৰাৰ সময়তে অভিনেতাগৰাকীয়ে ব্যক্তিগতভাৱে বিভিন্ন পদক্ষেপ হাতত লৈছে।

উল্লেখযোগ্য যে যোৱা বৰ্ষতো কেন্দ্ৰীয় চৰকাৰে বলৱৎ কৰা লকডাউনৰ সময়ত অভিনেতাজন সাংঘাটিকভাৱে চৰ্চিত হৈ পৰিছিল।

ইয়াৰ কাৰণ আছিল লকডাউনত সৰ্বস্বান্ত হোৱা প্ৰব্ৰজিত শ্ৰমিকসকলক নিজ নিজ গৃহ ৰাজ্যলৈ উভটাই পঠাবলৈ অভিনেতাজনে যাতায়তৰ যোগান ধৰিছিল।

তদুপৰি বহুতো শ্ৰমিকক বিকল্প জীৱিকাৰ ক্ষেত্ৰতো তেওঁ সহায় কৰিছিল।

অভিনেতাজনৰ এই ব্যতিক্ৰমী কৰ্মৰাজীয়ে দেশবাসীৰ ভূয়সী প্ৰশংসা লাভ কৰিছিল।

আনকি প্ৰব্ৰজিত শ্ৰমিকসকলে তেওঁক ‘ছেভিয়ৰ’ (ৰক্ষাকৰ্তা) হিচাপেও অভিহিত কৰিছিল।