এই মহাকাশযানখন আছিল এতিয়ালৈকে স্পেচএক্সৰ দ্বাৰা নিৰ্মিত আটাইতকৈ ডাঙৰ আৰু শক্তিশালী ৰকেট। মংগল গ্ৰহত পৰীক্ষাকেন্দ্ৰ স্থাপনৰ কৰাৰ সপোনেৰে পৰীক্ষামূলকভাবে উৎক্ষেপন কৰা হৈছিল এই ৰকেটটো।
এইটো আছিল ষ্টাৰশ্বিপৰ নৱম পৰীক্ষামূলক ৰকেট। এই মানৱবিহীন ৰকেটটো টেক্সাছৰ পৰা সফলতাৰে উৎক্ষেপণ কৰা হৈছিল।
কিন্তু উৎক্ষেপণৰ কিছু সময়ৰ পিছতে কক্ষপথত কিছু সমস্যাৰ সৃষ্টি হয় আৰু পৰিকল্পিতভাৱে পৃথিৱীৰ বায়ুমণ্ডললৈ ঘূৰি অহাৰ আগতেই ৰকেটটো নিয়ন্ত্ৰণৰ বাহিৰলৈ গুচি যায়।
স্পেচএক্সৰ বিবৃতি অনুসৰি ৰকেটটো দ্ৰুতগতিত বিভাজিত হৈ ভাঙি টুকুৰা-টুকুৰ হৈ ভাৰত মহাসাগৰত পৰি যায়।এই ঘটনাৰ পিছত্য বিবৃতিযোগে কোম্পানীটোৱে কয় যে এই পৰীক্ষাই ষ্টাৰশ্বিপৰ নিৰ্ভৰযোগ্যতা বৃদ্ধি কৰাত সহায় কৰিব।
