ক’ৰ’ণাৰ বাহক! স্পেইনে হত্যা কৰিব ৯০ হাজাৰ মিংক
এবিধ তেনেই নিৰীহ প্ৰাণী। কাৰো বিশেষ কোনো ক্ষতি নকৰা সেই প্ৰাণী বিধেই এতিয়া স্পেইনত আতংকৰ সৃষ্টি কৰিছে।
স্পেইনৰ ফাৰ অৰ্থাৎ নোম উদ্যোগৰ বাবে অপৰিহাৰ্য মিংক নামৰ প্ৰাণী বিধৰ পৰাই মাৰাত্মক ক’ৰ’ণা ভাইৰাছ অধিক হাৰত সংক্ৰমিত হোৱাৰ প্ৰমাণ পোৱাৰ পিছতে এতিয়া সষ্টম হৈ পৰিছে দেশ খনৰ চৰকাৰ।
মাটি আৰু পানী উভয়তে থাকি ভালপোৱা স্পেইনৰ ৮৭ শতাংশ মিংক ক’ৰ’ণা ভাইৰাছত আক্ৰান্ত হৈছে।
ক’ৰ’ণাত আক্ৰান্ত মিংকৰ পৰা ফাৰ উদ্যোগৰ সৈতে জৰিত বহু লোক ক’ৰ’ণাত আক্ৰান্ত হৈছে।
মিংকৰ পৰা ক’ৰ’ণা সংক্ৰমিত হোৱাৰ প্ৰথম প্ৰমাণ পোৱা গৈছিল দেশ খনৰ আৰাগন প্ৰদেশত চলিত বৰ্ষৰ মে’ মাহত।
ইয়াৰ পিছত দেশ খনৰ বহু ফাৰ উদ্যোগত কাম কৰা লোক মিংকৰ পৰাই ক’ৰ’ণাত সংক্ৰমিত হয়।
সেয়ে ক’ৰ’ণা ভাইৰাছৰ অধিক সংক্ৰমণ ৰোধ কৰিবলৈ স্পেইনৰ চৰকাৰে ৯০ হাজাৰ মিংক নিধন কৰাৰ সিদ্ধান্ত লৈছে।
বিভিন্ন এন জি অ’ৰ কৰ্মীক লগোৱা হ’ব মিংক নিধন অভিযানত।
প্ৰকৃতি প্ৰেমী সকলে স্পেইনৰ চৰকাৰৰ এনে সিদ্ধান্ত কেনেধৰণে গ্ৰহণ কৰে সেয়া সময়েহে কব।
ইয়াৰ পূৰ্বে নেডাৰলেণ্ডেও প্ৰায় ১ নিযুত মিংক নিধন কৰিছিল।