ৰাজ্যত অনুষ্ঠিত ৬৬ সংখ্যক বন্যপ্ৰাণী সপ্তাহৰ সামৰণী অনুষ্ঠানত প্ৰতি বছৰৰ দৰে এইবাৰো বন্যপ্ৰাণীৰ সুৰক্ষাৰ বাবে প্ৰশংসনীয় কাম কৰা ৰাজ্যৰ ৭৮ গৰাকী বনবিষয়া, বনকৰ্মী, আৰক্ষী বিষয়া, অনান্য সংগঠনৰ কৰ্মী আৰু কেইবা গৰাকী ব্যক্তিক পুৰস্কৃত কৰা হয়৷
আজি গুৱাহাটীৰ কলাক্ষেত্ৰত অনুষ্ঠিত হোৱা বন্যপ্ৰাণী সপ্তাহৰ সামৰণীৰ কেন্দ্ৰীয় অনুষ্ঠানত এই সকল ব্যক্তিক পুৰস্কাৰ প্ৰদান কৰা হয়৷
পুৰস্কাৰৰ বাবে নিৰ্বাচিত ব্যক্তিসকলৰ ভিতৰত কাজিৰঙা ৰাষ্ট্ৰীয় উদ্যানৰ বনকৰ্মী লীলাধৰ শৰ্মা, অস্থায়ী বন কৰ্মী সোনমন নাথ, বলীন বৰা আৰু সুনীল ভক্তি, পাৰিপাৰ্শ্বিক উন্নয়ন সমিতিৰ কৃষ্ণ মুৰমুৰ, কৰণ মুৰমুৰ আৰু জগত বাহাদুৰ ছেত্ৰী, বিভাগীয় মাউট দুলাল বৰা অন্যতম৷
কাজিৰঙাৰ সহকাৰী বন সংৰক্ষক ঋতুপৱন বৰা আৰু গোলাঘাট জিলাৰ অনাৰেৰী ৱাইল্ড লাইফ ৱাৰ্ডেন উত্তম শইকীয়ালৈয়ো বন আৰু বন্যপ্ৰাণীৰ সুৰক্ষাৰ বাবে তেওঁলোকে আগবঢ়োৱা সেৱাৰ বাবে পুৰস্কৃত কৰা হয়৷
একেদৰে বোকাখাত থানাৰ ভাৰপ্ৰাপ্ত আৰক্ষী বিষয়া পৰিদৰ্শক দিব্যজ্যোতি দত্ত, কনিষ্টবল নিতুল ফুকন, বেটেলিয়ন জিতুল গগৈ, ৰাণা বৰপাত্ৰ গোহাঁই, দুৰ্লভ শইকীয়া আৰু বিদিত ৰাজখোৱাকো বন্যপ্ৰাণী সুৰক্ষাৰ বাবে আগবঢ়োৱা সেৱাৰ বাবে পুৰস্কৃত কৰা হয়৷
