পুলৱামাৰ সন্ত্ৰাসবাদী আক্ৰমণৰ বিৰুদ্ধে প্ৰতিবাদত শনিবাৰে স্বতঃস্ফুৰ্তভাৱে নিজৰ নিজৰ প্ৰতিষ্ঠান বন্ধ ৰাখে ডিব্ৰুগড়ৰ ব্যৱসায়ী সমাজে।
সকলো ব্যৱসায়ীয়ে প্ৰতিষ্ঠান বন্ধ ৰখাৰ লগতে চহৰখনৰ বহু এলেকাত স্থানীয় ৰাইজে ভাৰতীয় ত্ৰিৰংগা লৈ প্ৰতিবাদী শোভাযাত্ৰা বাহিৰ কৰে।
প্ৰতিবাদী ৰাইজে আক্ৰমণটোক একেমুখে গৰিহণা দিয়াৰ লগতে পাকিস্তানবিৰোধী শ্ল’গানো দিয়ে। বিস্ফোৰণটোৰ দায়িত্ব স্বীকাৰ কৰা জে’শ্ব-এ-মহম্মদ পাকিস্তানস্থিত সন্ত্ৰাসবাদী।
তাৰোপৰি চহৰৰ বিভিন্ন শিক্ষানুষ্ঠানটো শিক্ষক-ছাত্ৰসকলে চহিদসকললৈ শ্ৰদ্ধাঞ্জলি যাচে। মনোহাৰী দেৱী কানৈ কন্যা মহাবিদ্যালয়ে এক শোকসভাও অনুষ্ঠিত কৰে।
গধূলি বিভিন্ন সংগঠনে মিলি এক মমবাতিৰ শোভাযাত্ৰা বাহিৰ কৰে। সমদলটো থানা চাৰিআলিত উপস্থিত হৈ মৃত জোৱানসকললৈ ফুলেৰে শ্ৰ্দ্ধা তৰ্পণ কৰে।
