যোৱা ৬ আগষ্টত গুৱাহাটী চিকিত্সা মহাবিদ্যালয়ত মৃত্যুক আঁকোৱালি লৈছিল এগৰাকী ছাত্ৰীয়ে।
গুৱাহাটীৰ নিকলছ উচ্চতৰ মাধ্যমিক বিদ্যালয়ৰ চতুৰ্থ শ্ৰেণীৰ ছাত্ৰী আছিল স্নিগ্ধাশিখা দাস।
ছাত্ৰীগৰাকীৰ পিতৃ সহদেব দাসৰ অভিযোগ অনুসৰি “বিদ্যালয়খৰ অধ্যক্ষ টিনজানেম মানচুঙে প্ৰখৰ ৰ’দত বিদ্যালয়খনৰ পিছফালৰ ফিল্ডত কোনো ছাঁ নোহোৱা ঠাইত প্ৰায় এঘন্টা ঠিয় কৰাই প্ৰাৰ্থনাৰ লগতে শোকসভা কৰে। প্ৰখৰ ৰ’দৰ বাবে অসুস্থ হৈ কেইবাজনো মাটিত ঢলি পৰে যদিও বিদ্যালয়ৰ শিক্ষক শিক্ষয়িত্ৰী সকলে ছাত্ৰ ছাত্ৰী সকলৰ অবস্থাৰ ওপৰত গুৰুত্ব নিদি কাৰ্য্যসূচী অব্যাহত ৰাখিলে। ৰ’দত ঢলি পৰা ছাত্ৰ ছাত্ৰী সকল কোনো চিকিৎসা ব্যবস্থা বা অভিভাৱকক খবৰ নকৰি মুৰত অলপ পানী ছটিয়াই পুনৰ ক্লাচ কৰায় ৩/৪ টা ক্লাচ কৰি ঘৰলৈ পঠিয়াই দিয়ে”।
স্নিদ্ধা শিখা দাস ৰ’দত ভাবে ভীষণ ভাবে অসুস্থ হৈ পৰিছিল তাত পৰি মুৰত আঘাত পায় আৰু ৰ’দত গৰম সহ্য কৰিব নোৱাৰি গাড়ীত আৰু ঘৰত বমি কৰে বুলি অভিযোগ তুলি পিতৃয়ে কয় “আমি প্ৰথম মাৰোৱাৰী হাস্পতাললৈ লৈ গৈ পিছলৈ GMCHত লৈ আহো । আচৰিত কথা যে স্কুল কতৃপক্ষ, অধ্যক্ষ,শিক্ষক শিক্ষয়িত্ৰীয়ে সকলো জানিও চিকিৎসা বা অভিভাৱকক খবৰ নিদিলে। ঘুৰি আহি বাছৰ পৰা নামি বমি কৰে আৰু সংজ্ঞাহীন হৈ পৰে লগে লগে মেডিকেল নিও যদিও তাতেই তেজ বমি কৰে আৰু ভেনটিলেচনত নিয়ে আৰু সকলো সমাপ্ত হয়”।
ইপিনে, এই অভিযোগ নসাৎ কৰি বিদ্যালয় কতৃপক্ষই ৰাজহুৱা কৰিলে ৪আগষ্টৰ দিনৰ বিদ্যালয়ৰ পৰা ঘৰলৈ কনমানি কনমানি গৰাকী উভতি যোৱা স্কুল বাছৰ চিচি টিভি ভিজুৱেল ৷
বিদ্যালয় কৰ্তৃপক্ষৰ মতে কেৱল ১৫ মিনিটৰ বাবে অনুষ্ঠিত কৰা শোক সভাত এজন ছাত্ৰ ঢলি পৰিছিল যদিও পৰৱতী সময়ত সূস্হ হৈ উঠে ছাত্ৰ জন ৷
ইয়াৰোপৰি, আজি বিদ্যালয়খনৰ অধ্যক্ষই পুৱাৰ ভাগত সংবাদমেল পাতি ছাত্ৰীগৰাকীৰ পিতৃৰ অভিযোগ নস্যাত্ কৰি কয় “ছাত্ৰী গৰাকীপ্ৰথমে ৪ বাজি ২১ মিনিটত মাৰোৱাৰী হস্পিতাললৈ নিয়া হৈছিল, তাৰ পিছত জি এম চি এইচলৈ নিয়া হয় নিশা ৮.৪৫ বজাত। চিকিৎসকে জনোৱা মতে ব্ৰেইন হিম’ৰাইজৰ বাবে মৃত্যু হৈছে সিগ্ধা শিখা দাসৰ”।
সেইদিনা প্ৰাৰ্থনাৰ সময়ত ছাত্ৰীগৰাকী ঢলি পৰাটো মিছা কথা বুলি দাবী কৰে বিদ্যালয় কতৃপক্ষই।
অধ্যক্ষই লগতে কয় “ঘৰলৈ বাছত গৈছিল ছাত্ৰীগৰাকী। বিদ্যালয়ত ছাত্ৰী গৰাকী অসুস্থ হোৱা নাই। ৪ আগষ্টৰ দিনা ছাত্ৰীগৰাকী ১২.১৫ ত বাছৰ পৰা নামিছে ঘৰ পাইগৈ প্ৰায় ১২.২০বজাত।
ইপিনে, ছাত্ৰীগৰাকীৰ পিতৃয়ে আইনী যুজ কৰিলে বিদ্যালয় কতৃপক্ষ কৰিবলৈ সাজু বুলি দাবী কৰে।
উল্লেখযোগ্য যে, স্নিগ্ধাৰ মৃত্যুৰ বাবে পিতৃয়ে বিদ্যালয় কৰ্তৃপক্ষক জগৰীয়া কৰি মূখ্যমন্ত্ৰী-শিক্ষামন্ত্ৰীলৈ পত্ৰ লিখাৰ সমান্তৰালকৈ বিদ্যালয় কতৃপক্ষৰ বিৰুদ্ধে ফটাশিল আমবাৰী থানাত দাখিল কৰিলে এজাহাৰো ৷
