অহা ২৬ জানুৱাৰিত নতুন দিল্লীত অনুষ্ঠিত হ’বলগীয়া গণতন্ত্ৰ দিৱসৰ দিনা পূবৰ মানচেষ্টাৰ খ্যাত শুৱালকুছি অসমৰ চৰকাৰী প্ৰতীকপটত প্ৰদৰ্শিত হ’ব। আজি ২১ জানুৱাৰি সোমবাৰে কেন্দ্ৰীয় প্ৰতিৰক্ষা মন্ত্ৰ্যালয়ে এই প্ৰতীকপটত অনুমোদন জনাইছে।
এই প্ৰতীকপটৰ মাজেৰে শুৱালকুছিৰ স্থানীয় শিপিনীসকলৰ কঠোৰ পৰিশ্ৰমৰ লগতে তেওঁলোকৰ ঐকান্তিক নিষ্ঠাক তুলি ধৰা হ’ব।
ইয়াৰ পূৰ্বে বিষয়বস্তুক ভুলকৈ উপস্থাপন কৰাৰ বাবে অসমৰ প্ৰতীকপটত ৰদ কৰিছিল। উল্লেখ্য যে প্ৰথমতে মহাত্মা গান্ধীয়ে ১৯৪৬ চনত শুৱালকুছি ভ্ৰমণলৈ অহাৰ বিষয়বস্তুক লৈ এই বছৰৰ গণতন্ত্ৰ দিৱসৰ পেৰেডত প্ৰদৰ্শন কৰাৰ বাবে এটা প্ৰতীকপট প্ৰস্তুত কৰা হৈছিল।
জানিব পৰা মতে ‘পীচ উইডিন’ বিষয়বস্তুৰ অন্তৰ্গত এই প্ৰতীকপট নিৰ্বাচিত কৰা হৈছিল। উল্লেখ্য যে, নিৰ্বাচনত সময়ত বিশেষজ্ঞ সমিতি এখনে এই প্ৰতীকপটসমূহ কঠোৰভাৱে পৰীক্ষা কৰে।
নিৰ্বাচনৰ পাছত কেন্দ্ৰীয় প্ৰতিৰক্ষা মন্ত্ৰ্যালয়ে প্ৰয়োজনত সংশোধনৰ উপদেশ দিবও পাৰে। উল্লেখ্য যে এইবাৰৰ ৩২খন ৰাজ্যৰ ভিতৰত কেবল ১৪খন ৰাজ্যৰ প্ৰতীকপটে স্থান পাইছে।
