পাকিস্তানত পুনৰ সংঘটিত হৈছে উগ্ৰবাদীৰ আত্মঘাতী বিস্ফোৰণ্ৰ ঘটনা। এই আত্মঘাতী বিস্ফোৰণত কমেও ৯ জন আৰক্ষীৰ মৃত্যু হোৱাৰ লগতে ১০ গৰাকী লোক আহত হৈছে বুলি জানিব পৰা গৈছে।
সোমবাৰে পুৱা পাকিস্তানৰ কুৱেটাৰ সমীপত এখন আৰক্ষীৰ ট্ৰাকত সংঘটিত হৈছে এই আক্ৰমণ। তীব্ৰ বিস্ফোৰণৰ ফলত ট্ৰাকৰ ভিতৰত থকা আৰক্ষী জোৱানসকল থিতাতে নিহত হৈছে।
উল্লেখ্য যে ডিচেম্বৰৰ মাহৰ পৰা মাৰ্চ মাহৰ প্ৰথমটো সোমবাৰলৈকে পাকিস্তানত মুঠ চাৰিবাৰকৈ আৰক্ষীৰ ওপৰত আত্মঘাতী বিস্ফোৰণেৰে আক্ৰমণ কৰা হৈছে।
প্ৰত্যক্ষদৰ্শীয়ে জনোৱা মতে, সোমবাৰে মটৰ চাইকেলত অহা এজন আত্মঘাতী বোমাৰুৱে আৰক্ষীৰ ট্ৰাকখনত খুন্দা মাৰে। ইয়াৰ পিছতে এক প্ৰবল বিস্ফোৰণে অঞ্চলটো জোকাৰি যায়। সেই সময়ত আৰক্ষীৰ ট্ৰাকখনৰ ভিতৰত আছিল কেইবাজনো আৰক্ষী জোৱান। বিস্ফোৰণত আশে পাশে থকা ভালেকেইজন লোক গুৰুতৰভাৱে আহত হয়।
ইয়াৰ পূৰ্বে পেছাৱাৰৰ কুৱেটাত মছজিদসমূহত এনে আক্ৰমণ সংঘটিত হৈছিল। সোমবাৰৰ এই ঘটনা সংঘটিত হৈছে পাকিস্তানৰ বেলুচিস্তান প্ৰদেশৰ ৰাজধানী কুৱেটাৰ পৰা ১৬০ কিলোমিটাৰ পূবে অৱস্থিত ছিবি নামৰ এখন চহৰত। স্থানীয় চিকিৎসালয় কৰ্তৃপক্ষই জনোৱা মতে, আহত ১০ জনৰ ভিতৰত কেইবাজনো গুৰুতৰভাৱে আহত হৈছে।
সোমবাৰে বিয়লিলৈকে কোনো সন্ত্ৰাসবাদী সংগঠনে এই ঘটনাৰ দায়িত্ব স্বীকাৰ কৰা নাই।
