মহাকাশত এক নতুন অস্তিত্বৰ সন্ধান পাইছে বিজ্ঞানীসকলে। সৌৰজগতৰ বাহিৰতআৰু এটা গ্ৰহৰ অৱস্থান পাইছে নাছাৰ বিজ্ঞানীসকলে।
এই আৱিস্কাৰ নাছাৰ ট্ৰেনজিট এক্স’প্লেনেট চাৰ্ভে ছেটেলাইট (TESS) মিছনৰ আন এক বৃহৎ সফলতা হিচাপে দাবী কৰিছে মহাকাশ গৱে,ণা সংস্থাটোৱে।
বিজ্ঞানীসকলে বৰ্তমান গ্ৰহটোৰ সৱিশেষ তথ্য উদ্ধাৰৰ কামত ব্যস্ত হৈ পৰিছে।
নাছাৰ ট্ৰেনজিট এক্স’প্লেনেট চাৰ্ভে ছেটেলাইট মিছনৰ বিজ্ঞানীসকলে নতুনকৈ আৱিস্কাৰ কৰা এই গ্ৰহটোৰ নামকৰণ কৰিছে TOI-561b নামেৰে।
প্ৰাথমিক তথ্য অনুসৰি গ্ৰহটো পৃথিৱীতকৈ ৫০শতাংশ ডাঙৰ আৰু তিনিগুণ ওজনশালী। তৎসত্ত্বেও গ্ৰহটোৰ আহ্নিক গতি পৃথিৱীতকৈ কম। ইয়াৰ অৰ্থ গ্ৰহটোৱে ইয়াৰ নিজৰ নক্ষত্ৰটো প্ৰদক্ষিণ কৰোতে ২৪ঘন্টাতকৈ কম সময় লাগে।
বিজ্ঞানীসকলে গ্ৰহটোক ‘ছুপাৰ আৰ্থ’ হিচাপে অভিহিত কৰিছে।
তদুপৰি, TOI-561b গ্ৰহটোৰ পৃথিৱীৰ তুলনাত শিলাময় পৃষ্ঠৰ। ইয়াৰ পূৰ্বে এনেকুৱা শিলাময় মাটি সৌৰজগতৰ অন্তৰ্গত আন কোনো গ্ৰহত পোৱা হোৱা নাই বুলি কোৱা হৈছে।
প্ৰাথমিক তথ্যৰ আলমত স্বাভাৱিকতেই প্ৰশ্নৰ অৱতাৰণা হৈছে যে গ্ৰহটোত প্ৰাণৰ অস্তিত্ব সম্ভৱ হ’ব পাৰে নেকি?
বিজ্ঞানীসকলৰ পৰ্যবেক্ষণে অৱশ্যে নিৰাশাৰে সৃষ্টি কৰিছে। তেওঁলোকৰ মতে এনেকুৱা শিল আৰু উত্তপ্ত পৃষ্ঠভূমিত প্ৰাণ ধাৰণ সম্ভৱ নহয়।
তথাপি হানমনা বিজ্ঞানীসকলে নতুনকৈ আৱিস্কৃত গ্ৰহটো সম্পৰ্কে বিভিন্ন পৰ্যবেক্ষণ অব্যাহত ৰাখিছে। কিয়নো TOI-561b ৰ জৰিয়তেই মহাকাশত নতুন অধ্যায় মুকলি হোৱাৰো সম্ভৱনা আছে।
