বুলড’জাৰৰে অভিযুক্তৰ ঘৰ ভঙাক লৈ ক্ষুব্ধ উচ্চতম ন্যায়ালয়। চৰকাৰে বুলড’জাৰেৰে ঘৰ ভাঙি পেলোৱা কাৰ্যক তীব্ৰ নিন্দা কৰিছে শীৰ্ষ ন্যায়ালয়ে।
উচ্চতম ন্যায়ালয়ে কয় যে গণতান্ত্ৰিক দেশত বিচাৰৰ পূৰ্বে এনেধৰণে ঘৰ ভাঙি পেলোৱা কাৰ্য মানি ল’ব নোৱাৰি।
দেশৰ বিভিন্ন প্ৰান্তত বুলডজাৰৰ অবৈধ ব্যৱহাৰ সন্দৰ্ভত আজি ন্যায়াধীশ বি আৰ গাভাইৰ বিভাগীয় বিচাৰপীঠে শুনানি গ্ৰহণ কৰে। মূল গোচৰটো আছিল ২০২২ চনৰ দিল্লী দাঙ্গা। চি পি এম নেত্ৰী বৃন্দা কাৰাটে আদালতত অভিযোগ কৰিছিল যে দিল্লী আৰক্ষীয়ে বহু নিৰীহ লোকৰ ঘৰ, কাৰ্যালয় আদি বুলডজাৰেৰে ভাঙি পেলাইছিল।
একেদৰে উত্তৰ প্ৰদেশৰ যোগী আদিত্যনাথ চৰকাৰৰ বিৰুদ্ধে বুলডজাৰ ব্যৱহাৰক লৈ বহু গোচৰ ৰুজু হৈছিল। বিভিন্ন গোচৰত অভিযুক্তৰ বিচাৰৰ সময়ত সমগ্ৰ পৰিয়ালক ঘৰ ভাঙি হাৰাশাস্তি কৰা বুলি অভিযোগ উত্থাপন কৰা হৈছে।
দুয়োপক্ষৰ যুক্তি শুনি আদালতে কয় যে এটা নিৰ্মাণ অবৈধ হ’লেও এৰাতিতে ভাঙিব নোৱাৰে। ইয়াৰ বাবে এটা নিৰ্দিষ্ট পদ্ধতি মানি চলাটো প্ৰয়োজন।
