নোৱাৰিলে ‘নিয়া’ই! এইবাৰ বিধায়ক অখিল গগৈৰ জামিন মঞ্জুৰ কৰিলে উচ্চতম ন্যায়ালয়ে
১৯৬৭ চনৰ অবৈধ কাৰ্যকলাপ (প্ৰতিৰোধ) আইনৰ অধীনত বিধায়ক অখিল গগৈক ডিচচাৰ্জ কৰাৰ বিচাৰ আদালতৰ আদেশ গুৱাহাটী উচ্চ ন্যায়ালয়ে বাতিল কৰাৰ সিদ্ধান্তৰ “সকলো দিশ” ভাৰতৰ উচ্চতম ন্যায়ালয়ে মঙলবাৰে নিশ্চিত কৰে।
ন্যায়াধীশ ভি ৰামাসুব্ৰমণিয়ান আৰু পংকজ মিঠালৰ বিচাৰপীঠে অৱশ্যে বিশেষ আদালতে জাৰি কৰিব পৰা চৰ্ত আৰু নিয়মৰ অধীনত বিচাৰ স্থগিত থকা সময়ত অসম বিধানসভাৰ সদস্যজনক জামিন মঞ্জুৰ কৰে।
এই বিষয়ত যুক্তি প্ৰতিপন্ন কৰিবলৈ ‘নিয়া’ক পৰ্যাপ্ত সময় নিদিয়াৰ বাবে ট্ৰায়েল ক’ৰ্টৰ সুৰুঙা পোৱাৰ পিছত উচ্চ ন্যায়ালয়ে ডিচচাৰ্জ আবেদনখন নতুনকৈ বিবেচনাৰ বাবে প্ৰেৰণ কৰিছিল।
লগতে পঢ়ক: ইউক্ৰেইন যুদ্ধৰ বিৰুদ্ধে প্ৰচাৰ চলোৱাৰ ‘অপৰাধ’ত ২৫ বছৰৰ কাৰাদণ্ড ৰাছিয়াৰ মানৱ অধিকাৰ কৰ্মীক
উল্লেখ্য যে, পক্ষসমূহৰ শুনানি গ্ৰহণ কৰি মাৰ্চ মাহত গগৈৰ আবেদনৰ ৰায় উচ্চতম ন্যায়ালয়ে সংৰক্ষিত ৰাখিছিল।
জ্যেষ্ঠ অধিবক্তা হুজেফা আহমদীয়ে আদালতত কয় যে বিধায়কজনক প্ৰায় দুবছৰ ‘মুক্তভাৱে’ থকাৰ পিছত ২০০৯ চনৰ পূৰ্বৰ দুৰ্বল প্ৰমাণৰ ভিত্তিত পুনৰ জেললৈ পঠিওৱাটো ন্যায়ৰ ‘ভেঙুচালি’ হ’ব।
তদুপৰি, উচ্চ ন্যায়ালয়ে ডিচচাৰ্জ অৰ্ডাৰ বাতিল কৰি বিচাৰ আদালতলৈ প্ৰেৰণ কৰাৰ সময়ত গোচৰৰ গুৰুত্বৰ ওপৰত পৰ্যবেক্ষণ কৰা উচিত নাছিল বুলি জ্যেষ্ঠ অধিবক্তাই যুক্তি দিয়ে। বিধানসভাৰ সদস্যগৰাকীৰ পক্ষত আহমেদীয়ে আৰু দৃঢ়তাৰে কয়, ‘এয়া ৰাজনৈতিক প্ৰতিশোধৰ স্পষ্ট গোচৰ’।
লগতে পঢ়ক: বাথিন্দাত ৪ সহকৰ্মীক হত্যা কৰা ‘সাক্ষী’ সেনা জোৱানক গ্ৰেপ্তাৰ; পোহৰলৈ ‘প্ৰতিশোধ’ৰ কাৰণ
আনহাতে, এই যুক্তিৰ তীব্ৰ বিৰোধিতা কৰিছিল ৰাষ্ট্ৰীয় তদন্ত সংস্থাৰ (নিয়া) হৈ হাজিৰ হোৱা অতিৰিক্ত ছলিচিটৰ জেনেৰেল ঐশ্বৰ্য ভাটীয়ে। তেওঁ যুক্তি দিছিল যে বিপৰীত পক্ষই অভিযুক্তৰ বিৰুদ্ধে উত্থাপিত অভিযোগৰ গুৰুত্ব কম কৰাৰ চেষ্টা কৰিছে। তেওঁ কয়, ‘মাওবাদী সংগঠনে দেশখনত হত্যাৰে ৰক্তাক্ত কৰি তুলিছে। আইনৰ শাসনৰ প্ৰতি এই সংগঠনসমূহৰ দ্বাৰা ভাবুকি আহিছে।”