কেবিচিত প্ৰথমবাৰ ৫ কোটি টকা জিকিছিল, মদৰ নিচাত ধ্বংস হৈ পৰিছিল জীৱন! এতিয়া কি কৰে সেই সুশীলে?

ঠিক ‘স্লামডগ মিলিয়নাৰ’ৰ দৰেই। সঞ্চালক অমিতাভ বচ্চনে নিজেই সুশীলৰ হাত তুলি লৈ কৌন বানেগা কোটিপতিৰ মঞ্চত কৈছিল। সকলো প্ৰশ্নৰ শুদ্ধ উত্তৰ দি তেওঁ প্ৰথমবাৰৰ বাবে পাঁচ কোটি টকাৰ চেক লাভ কৰিছিল। কিন্তু সেই জয়ে কাল মাতি আনিছিল। জীৱনটো ক্ৰমান্বয়ে দুৰ্বিষহ হৈ পৰিছিল। অৱশেষত সেই সুশীলে এতিয়া কি কৰে?

বিহাৰৰ চম্পাৰাণ নিবাসী সুশীল কুমাৰ। ২০১১ চনত কৌন বানেগা কোটিপতিৰ ছিজন ফাইভত তেওঁ পাঁচ কোটি টকাৰ চেক লাভ কৰিছিল। তেওঁ অমিতাভ বচ্চনক কৈছিল যে তেওঁ আৰু অধিক অধ্যয়ন কৰি আই এ এছ বিষয়া হ’ব বিচাৰে।

ইয়াৰ পিছত ৯ বছৰ ধৰি সুশীলৰ তেনেকৈ সন্ধান পোৱা নগ’ল। তাৰ পিছত হঠাৎ ২০২০ চনত ছচিয়েল মিডিয়াত শ্বেয়াৰ কৰে তেওঁৰ দুৰ্বিষহ অভিজ্ঞতা।

সুশীলে কয় যে ৰাতিটোৰ ভিতৰতে কোটিপতি হোৱাৰ পিছতে সমস্যা আৰম্ভ হৈছিল। ২০১৫ চনৰ পৰা তেওঁৰ জীৱনে এটা নতুন মোৰ লৈছিল। কেইবাটাও ব্যৱসায় আৰম্ভ কৰিও তেওঁ লাভৱান হ’ব নোৱাৰিলে। বৰং কেইদিনমানৰ ভিতৰতে তেওঁ সকলো ক্ষেত্ৰতে ব্যৰ্থ হৈছিল।

বহু সমাজসেৱা সংগঠনে তেওঁৰ পৰা অনুদান বিচাৰিছিল। সেই ক্ষেত্ৰতো তেওঁ বহুবাৰ প্ৰৱঞ্চনাৰ বলি হৈছে। মাহৰ পিছত মাহ বিভিন্ন সংগঠনক টকা দিবলগীয়া হোৱাত তেওঁ মূৰত হাত দিলে।

টকা-পইচা হেৰুৱাই সুশীল মানসিকভাৱে ভাঙি পৰিছিল। তাৰ পিছত মদ আৰু  চিগাৰেটৰ প্ৰতি আসক্ত হৈ পৰে। নিচাৰ বাবে ধন অপচয় কৰি তেওঁ দেউলীয়া হৈ পৰিছিল। তেওঁ মুম্বাইলৈ গৈ চিনেমা প্ৰযোজনা কৰিবলৈও আৰম্ভ কৰিছিল। কিন্তু তাতো তেওঁ সুবিধা কৰিব নোৱাৰিলে। অৱশেষত তেওঁ নিজৰ গাঁৱলৈ উভতি আহি শিক্ষকতা কৰিবলৈ আৰম্ভ কৰে। বৰ্তমান তেওঁ এখন চৰকাৰী বিদ্যালয়ত মনোবিজ্ঞানৰ শিক্ষক।