অসমত বাস কৰা ভাৰতীয় আৰক্ষী সেৱাৰ বিষয়া গৌৰৱ উপাধ্যায়ৰ বিৰুদ্ধে নাবালিকাক নিৰ্যাতন চলোৱাৰ অভিযোগ উত্থাপন হৈছে। শেহতীয়াকৈ অসমৰ এখন বিশেষ আদালতে ছবছৰীয়া গোচৰৰ সৈতে জড়িত শিশুক যৌন অপৰাধৰ পৰা শিশু সুৰক্ষা আইনৰ লগতে ভাৰতীয় দণ্ডবিধিৰ অন্যান্য প্ৰাসংগিক ধাৰাসমূহৰ অধীনত গোচৰ ৰুজু কৰাৰ নিৰ্দেশ দিছে।
এই অভিযোগ অনুসৰি ২০১৯ চনৰ ডিচেম্বৰ মাহত এই ঘটনা সংঘটিত হোৱা বুলি জানিব পৰা গৈছে, ২০২০ চনৰ জানুৱাৰী মাহত এজাহাৰ দাখিল কৰা হৈছিল। ইয়াৰ পিছতে অপৰাধ অনুসন্ধান বিভাগে গোচৰটোৰ তদন্ত কৰি উপাধ্যায়ৰ বিৰুদ্ধে অভিযোগনামা দাখিল কৰে।
বিশেষ আদালতে ৰায়দানত নিৰ্ণয় কৰে যে ভুক্তভোগীৰ বিৰুদ্ধে দুটাকৈ যৌন নিৰ্যাতনৰ ঘটনা সংঘটিত হৈছে। ঘটনা সংঘটিত হোৱাৰ সময়ত উপাধ্যায় অসমৰ কাৰ্বি আংলঙত আৰক্ষী অধীক্ষক হিচাপে কাৰ্যনিৰ্বাহ কৰি আছিল। আদালতে ইংগিত দিয়ে যে প্ৰথমটো নিৰ্যাতন ডিফুৰ এছ পি বাংলোত সংঘটিত হোৱাৰ বিপৰীতে দ্বিতীয়টো নিৰ্যাতন সংঘটিত হৈছে হোটেলৰ কোঠাত, য’ত ভুক্তভোগী কিশোৰীগৰাকীয়ে মাতৃ আৰু ভাতৃৰ সৈতে আছিল। ন্যায়াধীশগৰাকীয়ে পৰ্যবেক্ষণ কৰে যে যিহেতু আৰক্ষী অধীক্ষকৰ পদত থকা সময়তে উপাধ্যায়ে এই কাণ্ডৰ সংঘটিত কৰিছিল, তেওঁৰ এলেকা আৰু কৰ্তৃত্বৰ সীমাৰ ভিতৰতে এই ঘটনা সংঘটিত হৈছিল, যাৰ ফলত পিঅ’চিএছঅ’ আইনৰ নিৰ্দিষ্ট বিধানসমূহ আৰোপ কৰা হৈছিল।
আদালতৰ আদেশত অভিযুক্তগৰাকীয়ে ভুক্তভোগী কিশোৰীগৰাকীক “চুমা খাবলৈ শক্তি প্ৰয়োগ” কৰাৰ অভিযোগৰ উল্লেখ কৰা হৈছে আৰু নাবালকগৰাকীৰ বক্তব্যত বিতংভাৱে উল্লেখ কৰা অনুসৰি তেওঁৰ গুপ্তাংগত অনুপযুক্তভাৱে স্পৰ্শ কৰি কৰিছিল। ফলস্বৰূপে আদালতে আই পি চিৰ ৩৫৪ আৰু ৩৫৪এ ধাৰাত গোচৰ ৰুজ কৰিছে।
প্ৰসংগক্ৰমে পিঅ’চিএছঅ’ আইনৰ ১০ নং ধাৰাত গুৰুতৰ যৌন নিৰ্যাতনৰ সৈতে জড়িত শাস্তিৰ বিষয়ে আলোচনা কৰা হৈছে, আনহাতে আই পি চিৰ ৩৫৪ আৰু ৩৫৪ এ ধাৰাত মহিলাৰ সন্মানত অঘাট কৰাৰ উদ্দেশ্যেৰে বা যৌন নিৰ্যাতন সংঘটিত কৰাৰ উদ্দেশ্যেৰে আক্ৰমণৰ সৈতে জড়িত অপৰাধসমূহৰ বিষয়ে আলোচনা কৰা হৈছে।
উল্লেখ্য যে গৌৰৱ উপাধ্যায় ২০১২ বৰ্ষৰ আই পি এছ বিষয়া, মূলতঃ উত্তৰ প্ৰদেশৰ। তেওঁৰ লিংকডইন প্ৰফাইল অনুসৰি ২০১২ চনত তেওঁ অসম-মেঘালয় কেডাৰত ভাৰতীয় আৰক্ষী সেৱাত যোগদান কৰিছিল য’ত তেওঁ চাৰিখন প্ৰত্যাহ্বানমূলক জিলাৰ আৰক্ষী অধীক্ষকৰ পদত অধিষ্ঠিত হৈছিল য’ত তেওঁ অপৰাধ ধৰা পেলোৱা আৰু প্ৰতিৰোধ, আইন-শৃংখলা ব্যৱস্থাপনা আৰু লজিষ্টিক তদাৰকীৰ দায়িত্বত আছিল।
বৰ্তমান উপাধ্যায়ে ৰাজ্যিক পৰিবহণ বিভাগৰ অতিৰিক্ত সচিব হিচাপে কাৰ্যনিৰ্বাহ কৰি অসম আভ্যন্তৰীণ জল পৰিবহণ উন্নয়ন সমিতিৰ ৰাজ্যিক প্ৰকল্প সঞ্চালক আৰু অসম সংহত নদী অৱবাহিকা ব্যৱস্থাপনাৰ প্ৰকল্প বিষয়া হিচাপে ভূমিকা পালন কৰি আহিছে।
