ৰাজ্যত নিচাযুক্ত দ্ৰব্য তথা অবৈধ ড্ৰাগছৰ বেহাৰ বিৰুদ্ধে চলি থকা অভিযানৰ মাজতে নগাঁৱৰ ৰূপহীহাটত আৰক্ষীৰ গুলীত আহত হৈছে আন এজন লোক।
আৰক্ষীৰ জানিবলৈ দিয়া মতে আৰক্ষীৰ গুলীত আহত লোকজনক জাহাংগীৰ আলম বুলি চিনাক্ত কৰা হৈছে।
লোকজনক এজন ড্ৰাগছ সৰবৰাহকাৰী বুলি সন্দেহ কৰা হৈছে আৰু লগতে আন কেইবাটাও ঘটনাৰ সৈতে জড়িত থকাৰ অভিযোগত অভিযুক্ত।
লগতে পঢ়ক: Covid Update ৰাজ্যত উদ্বেগজনকভাৱে বৃদ্ধি কোভিডৰ দৈনিক সংক্ৰমণ,পজিটিভিটিৰ হাৰ; আজি কিমান আক্ৰান্ত?
ৰূপহীহাটৰ ছাইদৰীয়াত এক গুলীয়াগুলিৰ ঘটনাৰ পাছত আলমক তিনিটা সন্দেহজনক ড্ৰাগছৰ বাকচৰে সৈতে গ্ৰেপ্তাৰ কৰা হৈছিল।
অভিযোগ মতে আৰক্ষীৰ জিম্মাৰ পৰা পলাবলৈ চেষ্টা কৰাৰ সময়তে আৰক্ষীয়ে তেওঁক গুলীয়ায়।
ভৰিত গুলী লাগি আহত আলমক চিকিৎসাৰ বাবে হাস্পাতালত ভৰ্তি কৰা হয়।
লগতে পঢ়ক: যোৰহাট আৰক্ষীৰ বৃহৎ সাফল্য; নিচাযুক্ত টেবলেটসহ আটক চাৰিজন যুৱক
উল্লেখ্য যে সোমবাৰেও গুৱাহাটীৰ গড়চুক অঞ্চলত আন এগৰাকী ড্ৰাগছৰ সৰবৰাহত অভিযুক্ত লোক আৰক্ষীৰ গুলীত আহত হৈছিল।
ড্রাগছৰ চোৰাং বেহা তথা সৰবৰাহৰ সৈতে জড়িত উক্ত লোকজন তাছেৰ আলী বুলি চিনাক্ত হৈছে।
