স্বপ্নপূৰণ হল স্বপ্নীল কুছালৰ। পেৰিছত অনুষ্ঠিত অলিম্পিকত পুৰুষৰ ৫০ মিটাৰ ৰাইফল থ্ৰী পজিচনৰ ফাইনেলত ব্ৰঞ্জৰ পদক লাভ কৰি ইতিহাস ৰচনা কৰে ভাৰতীয় তাৰকাগৰাকীয়ে। কিয়নো ১৯৫২ চনত পুৰুষৰ ৫০ মিটাৰ ৰাইফল থ্ৰী পজিচন আৰম্ভ হোৱাৰ পিছত ভাৰতে প্ৰথমবাৰৰ বাবে পদক লাভ কৰিছে। আৰু সেই ঐতিহাসিক পদক বিজয়ৰ ফলস্বৰূপে পেৰিছত ভাৰতৰ পদকৰ সংখ্যা তিনিটালৈ বৃদ্ধি হ’ল৷
২৯ বছৰীয়া ভাৰতীয় শ্বুটাৰগৰাকীয়ে বৃহস্পতিবাৰে ফাইনেলত ভাল আৰম্ভণি কৰা নাছিল। প্ৰথম শ্বটৰ স্ক’ৰ আছিল ৯.৬। তাৰ পিছত অৱশ্যেই তেওঁ ভালেই কৰিলে। দ্বিতীয় ছিৰিজত এবাৰ ৯.৯ হিট কৰে। নীলিঙত বাকী থকা সকলো শ্বট আছিল ১০ৰ দশকত। ১৫টা শ্বট প্ৰোনেত ১০ৰ ওপৰত আছিল। কিন্তু ষ্টেণ্ডিংৰ আৰম্ভণি বেয়া হয়।
ফাইনেলত নীলিঙত স্বপ্নীলৰ স্ক’ৰ
* প্ৰথম ছিৰিজ: ৫০.৮। তেওঁ বেয়াকৈ আৰম্ভ কৰে। ৯.৬ স্কোৰ কৰে। বাকী চাৰিটা শ্বট আছিল দহৰ ঘৰত।
* দ্বিতীয় ছিৰিজ: ৫০.৯। দ্বিতীয় শ্বট ৯.৯ হয়। বাকীবোৰ আছিল ১০ৰ ওপৰত।
* তৃতীয় ছিৰিজ : ৫১.৬। প্ৰতিটো শ্বট আছিল ১০ৰ ওপৰত। পাঁচটা শ্বটৰ স্ক’ৰ হ’ল ক্ৰমে – ১০.৫, ১০.৪, ১০.৩, ১০.২, ১০.২।
ফাইনেলত প্ৰোনেত স্বপ্নীলৰ স্ক’ৰ
* প্ৰথম ছিৰিজ: ৫২.৭।
* দ্বিতীয় ছিৰিজ: ৫২.২।
*তৃতীয় ছিৰিজ : ৫১.৯।
চূড়ান্ত ৰেংকিঙত স্বপ্নীলৰ স্ক’ৰ
* প্ৰথম ছিৰিজ: ৫১.১। প্ৰথম শ্বটটো আছিল ৯.৫। বাকী সকলো আছিল ১০ বা তাতকৈ অধিক।
* দ্বিতীয় ছিৰিজ: ৫০.৪। এই ছিৰিজৰ শেষত তেওঁ তৃতীয় স্থানত আহে।
পেৰিছ অলিম্পিকত ভাৰতৰ পদকৰ সংখ্যা
পুৰুষৰ ৫০ মিটাৰ ৰাইফল থ্ৰী পজিচনৰ ফাইনেলৰ পাছত পেৰিছ অলিম্পিকত ভাৰতৰ পদক সংখ্যা তিনিটা। প্ৰথমে মনু ভাকেৰে প্ৰথম পদক লাভ কৰে। মহিলাৰ ১০ মিটাৰ এয়াৰ পিষ্টলত ব্ৰঞ্জৰ পদক লাভ কৰে। তাৰ পাছত মনু আৰু সৰবজোৎ সিঙে ১০ মিটাৰ এয়াৰ পিষ্টলৰ মিক্সড টিম ইভেণ্টত ব্ৰঞ্জৰ পদক লাভ কৰে। আৰু এইবাৰ স্বপ্নীলে ব্ৰঞ্জৰ পদক লাভ কৰে।
স্বপ্নীলৰ পৰিচয়
* স্বপ্নীল মহাৰাষ্ট্ৰৰ কলহাপুৰৰ কমলৱাড়ী গাঁৱৰ সন্তান। মাক গাঁৱৰ চৰপঞ্চ। পিতৃ জিলাৰ এগৰাকী বিদ্যালয়ৰ শিক্ষক।
* কুছালে ২০১২ চনৰ পৰা আন্তঃৰাষ্ট্ৰীয় প্ৰতিযোগিতাত অংশগ্ৰহণ কৰি আহিছে। অৱশ্যে প্ৰথম অলিম্পিকৰ বাবে আৰু ১২ বছৰ অপেক্ষা কৰিবলগীয়া হৈছিল। পেৰিছত প্ৰথমবাৰৰ বাবে অলিম্পিকত স্থান লাভ কৰে।
*২০২৩ চনৰ এছিয়ান গেমছত স্বপ্নীলে ব্যক্তিগত ইভেণ্টত চতুৰ্থ স্থান লাভ কৰে। আৰম্ভণিৰে পৰাই তেওঁ আগবাঢ়ি আছিল। কিন্তু এটা বেয়া শ্বটৰ বাবে চতুৰ্থ স্থান দখল কৰিবলগীয়া হয় ।
* দলীয় ইভেণ্টত সোণৰ পদক লাভ কৰিছিল। এক অভিলেখৰে স্বৰ্ণ পদক লাভ কৰিছিল ভাৰতে।
