অসমৰ থলুৱাই যি সময়ত থাকিবলৈ এখন ঘৰ পোৱা নাই, নিজা বুলিবলৈ এডুখৰ ভুখণ্ড নাই। অসমৰ বহু খিলঞ্জীয়াই ভূমি পট্টা লাভ কৰা নাই। অসমৰ হাজাৰ হাজাৰ লোকক উচ্ছেদ কৰি অসমৰ ভূখণ্ড বৃহৎ বণিক গোষ্ঠীক গটাই আহিছে। তেনে সময়তে এইবাৰ অসমৰ মুখ্যমন্ত্ৰী হিমন্ত বিশ্ব শৰ্মাই তিৰুমালা তিৰুপতি দেৱস্থানম (টিটিডি)ৰ অনুৰোধৰ পিছতে, গুৱাহাটীত ভগৱান ভেংকটেশ্বৰ মন্দিৰৰ বাবে পাঁচ একৰ মাটি আবণ্টন দিবলৈ সন্মতি জনাইছে।
টিটিডিৰ এটা দল, অধ্যক্ষ বি.আৰ. নাইডু, ২০২৫ চনৰ ১ আগষ্ট শুকুৰবাৰে শৰ্মাক সাক্ষাৎ কৰি এইপ্ৰস্তাৱৰ ওপৰত আলোচনা কৰে। মুখ্যমন্ত্ৰীয়ে এই পদক্ষেপক আদৰণি জনাই কয় যে এই মন্দিৰে উত্তৰ-পূব ভাৰতৰ আধ্যাত্মিক আৰু সাংস্কৃতিক পৰিৱেশ সমৃদ্ধ কৰিব।
টিটিডিয়ে উল্লেখ কৰে যে এই মন্দিৰটোৱে গুৱাহাটীৰ কামাখ্যা মন্দিৰৰ পৰিপূৰক হ’ব। চৰকাৰৰ এনে ধৰ্মীয় পৃষ্ঠপোষকতাই দেশৰ ধৰ্ম নিৰপেক্ষতাত মোক্ষম আঘাত হানিছে। ইয়াৰো পৰি মানুহৰ মৌলিক অধিকাৰ খৰ্ব কৰি ধৰ্মক আগ স্থান দিয়া মুখ্য মন্ত্ৰীৰ এনে সিদ্ধান্তই সচেতন ৰাইজক ক্ষোভিত কৰি তুলিছে।
