কৰ’নাৰ সংকটৰ মাজতে এক আশাৰ জিলিঙণি। ৰাজ্যখনত কৰ’নাৰ সংক্ৰমণে উদ্বিগ্নতা বৃদ্ধি কৰি তোলাৰ সময়তে জিএমচিএইচে দিছে এক ‘পজিটিভ’ খৱৰ।
গুৱাহাটী মেডিকেল কলেজ এণ্ড হাস্পাতলত (জিএমচিএইচ) দহ গৰাকী কোভিড-১৯ পজিটিভ মাতৃয়ে চাৰিটি কন্যা শিশু আৰু ছয়টি পুত্ৰ শিশুৰ জন্ম দিছে।
কৰ’না ভাইৰাছ মহামাৰীৰ সংকটৰ মাজতে দহটি শিশুৱে জন্মলাভ কৰা ঘটনাই মাতৃকেইগৰাকীৰ চিজাৰিয়ান কৰি সফলতাৰে শিশুকেইটিৰ জন্ম দিয়া কাৰ্যত জড়িত চিকিৎসক তথা নাৰ্ছকেইগৰাকীৰ মুখত হাঁহি বিৰিঙাই তুলিছে।
ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই এটা টুইটৰ জৰিয়তে মাতৃকেইগৰাকী তথা জিএমচিএইচৰ চিকিৎসকৰ দলটোক শুভেচ্ছা জনাইছে।
At times, we get opportunity to smile amid adversity too! We've such an occasion, second day in a row.
Ten #COVID19+ braveheart mothers have given birth to 4 baby girls and 6 boys. Congratulations to the families.
Kudos to O&G team of GMCH for performing cesarean sections
— Himanta Biswa Sarma (@himantabiswa) July 18, 2020
‘’এনেকুৱা দু:সময়ৰ মাজতো আমি হাঁহি বিৰিঙোৱাৰ সুযোগ পাইছো! এনেকুৱা এক পৰিস্থিতিত, একেৰাহে দ্বিতীয় দিনৰ বাবে। দহ গৰাকী কোভিড-১৯ পজিটিভ সাহসী মাতৃয়ে ৪টি কন্যা শিশু আৰু ৬টি পুত্ৰ শিশুৰ জন্ম দিছে। পৰিয়ালকেইটালৈ শুভেচ্ছা জনালো,’-মন্ত্ৰীগৰাকীয়ে টুইট কৰি কয়।
মন্ত্ৰীগৰাকীয়ে টুইটৰ জৰিয়তে জিএমচিএইচৰ চিজাৰিয়ান শাখাৰ চিকিৎসকৰ দলটোকো ধন্যবাদ জ্ঞাপন কৰে।
