মানুহজনৰ বয়স ইতিমধ্যে আশী অতিক্ৰম কৰিছে। কিন্তু এই বয়সতো ভিয়েটনামৰ কোৱাং নামৰ প্ৰদেশৰ বাসিন্দা টাই নিগকৰ চকুত টোপনি নাই। জানিব পৰা মতে, যোৱা পাঁচ দশক ধৰি তেওঁ টোপনি মাৰিব পৰা নাই।
দিন বা ৰাতি কেতিয়াও তেওঁৰ টোপনি নাহে। কেতিয়াবা ৰাতি খেতি কৰে, কেতিয়াবা মনে মনে বহি থাকে। কেতিয়াবা নিগকক বাৰীখনৰ যত্ন লৈ থকা দেখা যায়।
কিন্তু যি বয়সত বেছিভাগ মানুহে শুবলৈ বা জিৰণি ল’বলৈ পছন্দ কৰে, সেই বয়সত নিগকে কিয় টোপনি নাহে?
তেওঁ জানিবলৈ দিয়া মতে ভিয়েটনামৰ যুদ্ধৰ পিছৰে পৰা তেওঁৰ টোপনি অহা নাই।
৩১ বছৰ বয়সত নিগকে এবাৰ তীব্ৰ জ্বৰৰ বাবে অজ্ঞান হৈ পৰিছিল। সেইবাৰেই শেষবাৰ চকু দুটা বন্ধ হৈছিল তেওঁৰ। তেতিয়াৰ পৰাই হেনো তেওঁ চকুৰ পতা দুখন লগ লগাব পৰা নাই।
কিন্তু ৫০ বছৰ টোপনি নোযোৱাৰ পিছতো তেওঁ সুস্থ। চুবুৰীয়াই কয় যে তেওঁ এতিয়াও সম্পূৰ্ণৰূপে কাৰ্যক্ষম।
তেওঁৰ টোপনি নহাৰ ৰহস্য কি সেই কথা বহু চেষ্টা কৰিও বিজ্ঞানীসকলেও বিচাৰি উলিয়াব পৰা নাই। মানুহে নেদেখাকৈ তেওঁ শুৱে নেকি সেয়াও চোৱা হৈছে। কিন্তু কোনো লাভ নহ’ল। আনকি টোপনিৰ দৰৱ খাইও একো লাভ হোৱা নাই।
টাই নিগকৰ অনিদ্ৰাৰ ৰহস্যৰ ওপৰত এতিয়াও বিজ্ঞানীসকলে গৱেষণা কৰি আছে।
