মাত্ৰ ৩৭ বছৰ বয়সতে থাইলেণ্ডৰ নতুন প্ৰধানমন্ত্ৰী হিচাপে পৰিগণিত হৈছে পেটাংটাৰ্ণ শ্বিনাৱাট্ৰা। তেওঁ আজিলৈকে দেশখনৰ আটাইতকৈ কম বয়সীয়া আৰু দ্বিতীয় মহিলা প্ৰধানমন্ত্ৰী। শুকুৰবাৰে থাইলেণ্ডৰ সংসদত ভোটদানৰ জৰিয়তে বিধায়কসকলে পেটাংটাৰ্ণক নিৰ্বাচিত কৰে।
পেটাংটাৰ্ণ সৈতে ৰাজনীতিৰ সম্পৰ্ক বহুত পুৰণি। তেওঁৰ পিতৃ থাকচিন শ্বিনাৱাট্ৰা কেৱল কোটিপতিয়ে নহয়, থাইলেণ্ডৰ প্ৰাক্তন প্ৰধানমন্ত্ৰীও। পিতৃৰ পথ অনুসৰণ কৰি পেটাংটাৰ্নে ৰাজনীতিৰ ক্ষেত্ৰখনত নিজৰ নাম উজলাই তুলিছে।
বিগত কেইটামান দশক ধৰি দেশৰ ৰাজনীতিত আধিপত্য বিস্তাৰ কৰি আহিছে শ্বিনাৱাট্ৰা পৰিয়ালে। পেটাং টাৰ্ণৰ খুড়ীয়েক ইংলাকো ৰাজনীতিত এক বিখ্যাত নাম। তেওঁ আছিল থাইলেণ্ডৰ প্ৰথমগৰাকী মহিলা প্ৰধানমন্ত্ৰী।
লগতে পঢ়কঃ দেশজুৰি ধৰ্মঘটৰ আহ্বান! ২৪ ঘণ্টাৰ বাবে বন্ধ হৈ গ’ল সকলো অ’পিডি; ৰোগীৰ হাহাকাৰ
৩৭ বছৰীয়া পেটাংটাৰ্ণ ফিউ থাই দলটোৰ নেতা। বিগত কেইবাদিনো ধৰি থাইলেণ্ড চৰকাৰৰ অস্থিৰতা বিৰাজ কৰি আহিছিল। থাইলেণ্ডৰ এগৰাকী প্ৰাক্তন প্ৰধানমন্ত্ৰী ছেথ্ৰা থাভিছিনে উৎকোচৰ বাবে দোষী সাব্যস্ত হৈ কাৰাগাৰালৈ যোৱা এজন অপৰাধীক তেওঁৰ কেবিনেটত অন্তৰ্ভুক্ত কৰিছিল।
ইয়াৰ পিছতে তেওঁৰ বিৰুদ্ধে তদন্ত আৰম্ভ হয়। অৱশেষত দুদিনমান আগতে নৈতিকতা উলংঘা কৰাৰ অভিযোগত থাভিচিনক থাইলেণ্ডৰ আদালতে শাসনৰ পৰা অপসাৰণ কৰে। তেওঁৰ মন্ত্ৰীসভা ভংগ কৰিবলৈও নিৰ্দেশ দিয়া হয়। ইয়াৰ পিছত ফেউ থাই পাৰ্টিয়ে প্ৰধানমন্ত্ৰী পদৰ প্ৰাৰ্থী হিচাপে পেটাংটাৰ্নৰ নাম সমৰ্থন কৰে। সংসদত ভোটদান আৰম্ভ হোৱাৰ লগে লগে তেওঁ বহু দূৰ আগবাঢ়ি যায়। ইয়াৰ পিছত ৩১৯টা ভোটত জিকি সংখ্যাগৰিষ্ঠতাৰে পেটাংটাৰ্ণ নিৰ্বাচিত হয়।
থাইলেণ্ডত স্কুলীয়া শিক্ষা সমাপ্ত কৰাৰ পিছত পেটাংটাৰ্নে ব্ৰিটেইনৰ বিশ্ববিদ্যালয়ত অধ্যয়ন কৰে। ইয়াৰ পিছত তেওঁ পৰিয়ালৰ ব্যৱসায়ত যোগদান কৰে। শ্বিনাৱাট্ৰাৰ মালিকানাধীন ৰেণ্ডে হোটেল উদ্যোগ গ্ৰুপত তেওঁ কেইবাবছৰ ধৰি কাম কৰিছিল।
লগতে পঢ়কঃ টাইব্ৰেকাৰত ৩৪টা পেনাল্টি! কল্পনা কৰিব পাৰিনে? ঐতিহাসিক জয় সাৱ্যস্ত নেদাৰলেণ্ডৰ ক্লাবৰ
ইয়াৰ পিছতে পেটাংটাৰ্নে ৰাজনীতিৰ ক্ষেত্ৰখনত প্ৰৱেশ কৰে। ২০২১ চনত ফেউ থাই দলত যোগদান কৰে। ২০২৩ চনৰ অক্টোবৰ মাহত পেটাংটাৰ্ণক দলৰ নেতা হিচাপে নিৰ্বাচিত কৰা হয়। এইবাৰ পেটাংটাৰ্নে থাইলেণ্ডৰ আটাইতকৈ কম বয়সীয়া প্ৰধানমন্ত্ৰী হিচাপে কাৰ্যনিৰ্বাহ কৰিব।
