“দেশজুৰি এতিয়া চৰম অস্থিৰতা। যি সময়ত ছাত্ৰ-ছাত্ৰী শ্ৰেণীকোঠাত থাকিব লাগিছিল সেই সময়ত ছাত্ৰ-ছাত্ৰী নামিবলগীয়া হৈছে ৰাজপথত। ৰাজপথত যোৱা একাংশ ছাত্ৰ-ছাত্ৰী থাকিব লগীয়া হৈছে চিকিৎসালয়ত” এই মন্তব্য কৰিছে প্ৰসিদ্ধ ক্ৰিকেটাৰ সুনীল গাভাস্কাৰে।
সমগ্ৰ দেশ তথা ৰাজ্যতে বিজেপি চৰকাৰে জোৰকৈ জাপি দিয়া ‘কা’ লৈ প্ৰতিবাদ চলি থকাৰ মাজতে প্ৰসিদ্ধ ক্ৰিকেটাৰ সুনীল গাভাস্কাৰে ‘কা’ লৈ এনেদৰে প্ৰতিক্ৰিয়া প্ৰকাশ কৰিছে।
নতুন দিল্লীৰ লাল বাহাদুৰ শাস্ত্ৰীৰ মেমৰিয়েল বক্তৃতা অনুষ্ঠানত সুনীল গাভাস্কাৰে নাগৰিকত্ব (সংশোধন) আইনক লৈ প্ৰতিক্ৰিয়া প্ৰকাশ কৰি কয় “আমি তেতিয়াহে আগুৱাই যাব পাৰিম যেতিয়া আমি একগোট হ’ম আৰু যেতিয়া আমি একগোট হওঁ তেতিয়া আমি জয়ী হওঁ। এইটো খেলে আমাক শিকায়।”
তাৰোপৰি প্ৰসিদ্ধ ক্ৰিকেটাৰ গৰাকীয়ে কয় যে, “ভাৰতে অতীত এনে বহু সংকট দেখিছে আৰু এনে সংকট কাল পাৰি কৰিছে। বৰ্তমানো এই সংকট ভাৰতে পাৰ কৰিব। কিন্তু আমি এখন দেশক তেতিয়াহে আগুৱাই নিব পাৰিম যেতিয়া আমি সকলো এখন দেশ হিচাপে একগোট হৈ কাম কৰিম।”
