উত্তৰ কোৰিয়া বিশ্বৰ এক বিচ্ছিন্ন ৰাষ্ট্ৰৰ দৰে। সেই দেশখনক আৱৰি আছে অনেক ৰহস্য। পিতৃতান্ত্ৰিক ব্যৱস্থাত নিমজ্জিত উত্তৰ কোৰিয়া। এই দেশৰ ৰাজনৈতিক ক্ষমতা সদায় পুৰুষ নেতাৰ হাতত কেন্দ্ৰীভূত হৈ আহিছে। কৰ্মক্ষেত্ৰত মহিলাসকলৰ উল্লেখযোগ্য অংশগ্ৰহণৰ পিছতো তেওঁলোকক প্ৰায়ে আশা কৰাতকৈ কম গুৰুত্বপূৰ্ণ ভূমিকাত দেখা যায়।
দেশখনত মহিলাসকলে কঠোৰ সামাজিক শ্ৰেণী বিভাজনৰ সন্মুখীন। এই দেশখনেই এক বৃহৎ পৰিৱৰ্তনৰ দিশে আগবাঢ়িছে। পিতৃতান্ত্রিক উত্তৰ কোৰিয়াৰ ক্ষমতা এগৰাকী নাৰীৰ হাতলৈ যাব পাৰে!
মনোনীত কৰাৰ পৰিকল্পনা চলিছে। ঘটনাটো বাস্তৱায়িত হ’লে স্বৈৰাচাৰী কমিউনিষ্ট ৰাষ্ট্ৰৰ নেতৃত্ব দিব কিম-কন্যাই। উত্তৰ কোৰিয়াৰ প্ৰথমগৰাকী মহিলা শাসক হ’ব কিম জু-ই।
কিম জং উনৰ সৈতে তেওঁ ‘দ্য ছান ট্ৰেইন’ত চীনলৈ গৈছিল। তেতিয়াই তেওঁ সকলোৰে দৃষ্টি আকৰ্ষণ কৰিছিল। বৃহস্পতিবাৰে দক্ষিণ কোৰিয়াৰ চোৰাংচোৱা সংস্থাই নিশ্চিত কৰে যে কিম জু-ইক নেতা কিম জং উনৰ স্বীকৃতিপ্ৰাপ্ত উত্তৰাধিকাৰী হিচাপে গণ্য কৰা হৈছে।
এই ভ্ৰমণৰ সময়ত কিমে চীনৰ ৰাষ্ট্ৰপতি জি জিনপিং আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে সাক্ষাৎ কৰে। কিম জং উনে এই মঞ্চ ব্যৱহাৰ কৰি নিজৰ উত্তৰাধিকাৰীক বিশ্বৰ আগত উপস্থাপন কৰিছিল।
সংবাদ সংস্থাৰ মতে, জু-ইৰ এজন ডাঙৰ ভাতৃ আছে, যাক কিম জং উনৰ পিছত উত্তৰ কোৰিয়াৰ পৰৱৰ্তী নেতা হিচাপে গোপনে প্ৰস্তুত কৰা হৈছিল। কিন্তু সেই গুঞ্জণবোৰ এতিয়া বন্ধ কৰি দিয়া বুলি অনুমান কৰা হৈছে।
দক্ষিণ কোৰিয়াৰ ৰাষ্ট্ৰীয় চোৰাংচোৱা সেৱাৰ মতে ৰাষ্ট্ৰীয় সংবাদ মাধ্যমৰ ছবি আৰু কিম জং উনৰ সৈতে তেওঁৰ কন্যা জু-ইৰ চীনত উপস্থিতি তাৎপৰ্যপূৰ্ণ।
