যন্ত্ৰৰ প্ৰভাৱে বিপযৰ্স্ত কৰিব মানুহৰ জীৱন, নোহোৱা হ’ব আৱেগ-অনুভূতি : ২০২৫ ক লৈ কি ভৱিষ্যতবাণী দিছিল বাবা ভাংগাই

তেওঁৰ প্ৰকৃত নাম ভেঞ্জেলিয়া পাণ্ডেভা গেষ্টেৰ’ভা। যদিও বেছিভাগ মানুহেই তেওঁক বাবা ভংগা বুলি চিনি পায়। তেওঁৰ ভৱিষ্যদ্বাণী কৰাৰ ক্ষমতাই বাৰে বাৰে বিশ্ববাসীক আচৰিত কৰি তুলিছে।

এইগৰাকী বুলগেৰিয়ান জ্যোতিষীৰ মৃত্যু হয় ১৯৯৬ চনত। কিন্তু তাৰ আগতে তেওঁ একবিংশ শতিকাৰ কথাও ভৱিষ্যদ্বাণী কৰিছিল। ৯/১১ৰ আক্ৰমণৰ পৰা আৰম্ভ কৰি ৰাজকুমাৰী ডায়েনাৰ মৃত্যুলৈকে, চেৰ্নোবিল দুৰ্যোগৰ পৰা আৰম্ভ কৰি ব্ৰেক্সিটলৈকে তেওঁৰ ভৱিষ্যদ্বাণী আখৰে আখৰে সত্য বুলি প্ৰমাণিত হৈছে।

কিছুদিন পূৰ্বে ম্যানমাৰত সংঘটিত হোৱা ভূমিকম্পৰ সন্দৰ্ভতো বাবা ভংগাই সতৰ্কবাণী দিছিল। তেওঁৰ অনুগামীসকলৰ মতে বাবা ভাঙাই ভৱিষ্যদ্বাণী কৰিছিল যে একবিংশ শতিকাত মানুহ যন্ত্ৰৰ প্ৰতি আকৰ্ষিত হ’ব। এই আকৰ্ষণ ইমানেই বাঢ়িব যে লাহে লাহে ই নিচাৰ পৰ্যায়ত উপনীত হ’ব। মানুহ সম্পূৰ্ণৰূপে মেচিনৰ লগত সংলগ্ন হ’ব। এই বিষয়ে তেওঁ আন কেইবাটাও ভৱিষ্যদ্বাণী কৰিছে।তেওঁৰ অনুগামীসকলৰ মতে বাবা ভাঙাই কৈছে যে যন্ত্ৰৰ প্ৰভাৱত মানুহ ৰবটৰ দৰে হ’ব। মানুহৰ অনুভূতি কমি যাব, আৰু পাৰস্পৰিক সম্পৰ্কৰ বান্ধোন দুৰ্বল হৈ পৰিব। তেওঁৰ ভৱিষ্যতবাণী অনুসৰি ২০২৫ চনত সমগ্ৰ ইউৰোপতে যুদ্ধৰ সূচনা হ’ব। আনকি তেওঁ কৈছিল যে ৫০৭৯ চনত মানৱ সভ্যতা ধ্বংস হ’ব আৰু ইয়াৰ আৰম্ভণি ২০২৫ চনত হ’ব।