ৰাজ্যবাসীৰ লগতে বিশ্বনাথত শাৰদীয় দুৰ্গোৎসৱৰ আনন্দত মতলীয়া সমগ্ৰ অঞ্চলবাসী ।
বিশ্বনাথৰ এখন বিশেষ পূজাই এইবাৰো দৃষ্টি আকৰ্ষণ কৰিছে অঞ্চলটোৰ ৰাইজৰ।
বিশ্বনাথৰ প্ৰথম খন পূজা মণ্ডপত আজি সপ্তমীৰ দিনটোত সমৱেত হয় বহু ভক্ত। ১৯২৫ চনৰ পৰা অবিৰতভাৱে পৰম্পৰাগত ভাবে চলি আহিছে গুপ্তকাশীৰ অতিকৈ এই পুৰণি পূজাখন ।
বিশ্বনাথৰ এইখনেই হৈছে প্ৰথম খন পূজা মণ্ডপ।
যিখন মণ্ডপত ৯৭ সংখ্যক পূজা উদযাপন কৰিছে পূজা কমিটীয়ে ।
বিশ্বনাথ ঘাটৰ পুৰণি গাওঁস্থিত বীণাপাণি নাট্য মন্দিৰ প্ৰাংগনত অনুষ্ঠিত হৈ আহিছে এই পূজা ।
ঐতিহাসিক কীৰ্তিচিহ্ন দেৱালয়ৰে পৰিপূৰ্ণ এই গুপ্তকাশী বিশ্বনাথ ঘাটত অনুষ্ঠিত হৈ অহা এই পূজা মণ্ডপত পূৰ্বতে পানী জাহাজৰ জৰিয়তে আনিছিল দেৱী দুৰ্গাৰ প্ৰতিমা ।
কিন্তু এইবাৰ পূজাৰ আনন্দবহু পৰিমাণে ম্লান পৰিছে ক’ভিডৰ বাবে । অৱশ্যে আজি পুৱা ভাগৰ পৰা পূজা ভাগ আৰম্ভ হ’ব বুলি জানিবলৈ দিছে পূজাৰী গৰাকীয়ে ।
