এইবাৰ বেংক আৰু বীমা কোম্পানি বিক্ৰী কৰিব কেন্দ্ৰই : আৰু কি আছে কেন্দ্ৰৰ পৰিকল্পনাত ?

এইবাৰ কেন্দ্ৰীয় চৰকাৰে ৰাষ্ট্ৰায়ত্ত বেংক আৰু বীমা কোম্পানি বিক্ৰী কৰিব!

চৰকাৰী অৰ্থাৎ ৰাজহুৱা খণ্ডৰ অধীনত থকা বিত্তীয় প্ৰতিষ্ঠানসমূহ ব্যক্তিগতকৰণ কৰিবলৈ কেন্দ্ৰীয় চৰকাৰে তৎপৰ হোৱা বুলি জানিব পৰা গৈছে।

চিএনবিচি আৱাজৰ সূত্ৰৰ খবৰ অনুসৰি ভাৰতী জীৱন বীমা নিগম(LIC) আৰু দুটামান নন-লাইফ বীমা প্ৰতিষ্ঠানক বাদ বাকী সকলো বীমা প্ৰতিষ্ঠানৰ নিজৰ অংশীদাৰিত্ব কেন্দ্ৰই বিক্ৰী কৰিব।

#AwaazExclusive | सरकारी कंपनियों के निजीकरण में सरकारी इंश्योरेंस कंपनियां भी शामिल होंगी। LIC और एक नॉन लाइफ इंश्योरेंस कंपनी को छोड़कर बाकी सभी इंश्योरेंस कंपनियों में सरकार अपनी पूरी हिस्सेदारी किस्तों में बेच सकती है। @RoyLakshman pic.twitter.com/dqysmv6bZL

— CNBC-AWAAZ (@CNBC_Awaaz) July 20, 2020

ইয়াৰ লগে লগে ৰাষ্ট্ৰায়ত্ত বেংকসমূহকো ব্যক্তিগতকৰণৰ আঁচনি তৈয়াৰ কৰিছে কেন্দ্ৰীয় চৰকাৰে।

এই ক্ষেত্ৰত প্ৰধানমন্ত্ৰী কাৰ্যালয়, বিত্ত মন্ত্ৰালয় আৰু নীতি আয়োগ ঐক্যমতত উপণীত হৈছে বুলি জানিব পৰা গৈছে।

উল্লেখ্য যে বৰ্তমানেও কেন্দ্ৰীয় চৰকাৰৰ হাত ৮ টা বীমা প্ৰতিষ্ঠান আছে। এল আই চি আৰু এটা নন-লাইফ বীমা প্ৰতিষ্ঠানক বাকী ৬ টা বীমা প্ৰতিষ্ঠানক বিক্ৰী কৰিব কেন্দ্ৰই।

ইফালে মাণি কন্ট্ৰ’লৰ খবৰ অনুসৰি ৬ টা বেংকক বাদ বাকী সকলো বেংকক কেন্দ্ৰই বেচৰকাৰীকৰণ কৰিব।

জানিব পৰা মতে প্রথম পৰ্যায়ত বেংক অৱ মহাৰাষ্ট্ৰ আৰু ইণ্ডিয়ান অ’ভাৰচীজ বেংকৰ চৰকাৰী অংশীদাৰিত্ব বিক্ৰী কৰা হ’ব। ইয়াৰ পিছতে বেংক অৱ ইণ্ডিয়া, চেন্ট্ৰেল বেংক অৱ ইণ্ডিয়া আৰু UCO বেংকৰ চৰকাৰী অংশীদাৰিত্ব বিক্ৰী কৰিব কেন্দ্ৰই।